ك. ءماسىموۆ: قازاقستان بيزنەس ءۇشىن اشىق
ۇكىمەت باسشىسى ءوز سوزىندە ەكى ەل اراسىنداعى ىنتىماقتاستىق الەۋەتى وتە زور ەكەندىگىن ەسكە سالىپ، قازاقستاندا كاسىپكەرلىك ورتانى دامىتۋعا بارلىق جاعداي جاسالىپ وتىرعاندىعىن اتاپ ءوتتى.
«قازاقستان بيزنەس ءۇشىن اشىق جانە بيزنەس جۇرگىزۋدە ورتالىق ازياداعى ەڭ ۇزدىك ەل. تاۋەلسىزدىك جىلدارى ىشىندە ءبىز ءوسىمنىڭ مىعىم تۇعىرناماسىنىڭ نەگىزىن قالادىق. سوڭعى جىلداردىڭ ىشىندە عانا قازاقستان ەكونوميكاسى ەكى ەسەگە ارتتى. ءبىز الەمنىڭ ەڭ قارقىندى دامۋشى ەكونوميكالارىنىڭ ءبىرى سانالامىز»، - دەدى ول.
ق ر ۇكىمەت باسشىسىنىڭ اتاپ وتۋىنشە، 2008- جىلدان بەرى ورتالىق ازياعا قۇيىلعان شەتەل ينۆەستيتسياسىنىڭ تەڭ جارتىسى قازاقستان ەكونوميكاسىنا سالىنعان.
«ناتيجەسىندە ءبىز الەمنىڭ بارىنشا باسەكەگە قابىلەتتى ەكونوميكالارىنىڭ بىرىنە اينالىپ وتىرمىز. ءبىز ينۆەستيتسيا ءۇشىن بارىنشا تارتىمدى ورتا قۇرۋعا كۇش سالىپ كەلەمىز. سىزدەردىڭ ءبىزدىڭ تابىستى تاريحىمىزدىڭ ءبىر بولشەگىنە اينالۋىلارىڭىزعا تىلەكتەسپىز»، - دەدى ك. ءماسىموۆ.
