08:44, 27 - مامىر 2015 | GMT +5
تۇركىمەنستان قازاقستانمەن كاسپي تەڭىزى تۇبىنەن وتەتىن شەكارانى بەكىتتى
استانا. قازاقپارات - تۇركىمەنستان قازاقستانمەن اراداعى كاسپي تەڭىزىنىڭ تابانىنداعى شەكارانى بەكىتتى. تۇركىمەن ءماجىلىسى كاسپيدەگى شەكارا اۋماعىن بەلگىلەۋگە ارنالعان ەكى ەل اراسىنداعى كەلىسىمدى راتيفيكاتسيالاۋ تۋرالى قاۋلى جوباسىن ماقۇلدادى.
اتالعان قۇجات كاسپيدىڭ تابانى مەن تەڭىز قويناۋىن پايدالانۋ بويىنشا ەگەمەندىلىك قۇقىقتارىن جۇزەگە اسىرۋدا قولايلى جاعداي جاساۋعا باعىتتالعان. سونىمەن قاتار بۇل كەلىسىم تاتۋ كورشىلىكتى ءارى قاراي نىعايتۋعا ولشەۋسىز ۇلەسىن قوسپاق، دەپ حابارلايدى 24.kz.
ايتا كەتەيىك، كاسپي تەڭىزىنىڭ تابانى مەن تەڭىز قويناۋىنىڭ شەكتەرى حالىقارالىق قۇقىق قاعيداتتارى مەن نورمالارى، سونداي- اق تاراپتاردىڭ ۋاعدالاستىق ناتيجەسىندە كەلىسىلگەن ورتالىق جولاق نەگىزىندە بەلگىلەنەدى.
