جوعالىپ كەتكەن الەم چەمپيونىنىڭ ءمايىتى تابىلدى

استانا. قازاقپارات - ر ف نوۆوسىبىردە 21- مامىردا جوعالىپ كەتكەن 25 جاستاعى كاراتەدەن الەم چەمپيونى انتون كريۆوشەيەۆتىڭ ءمايىتى تابىلدى، دەپ حابارلادى ت ا س س.

«نوۆوسىبىردىڭ وكتيابر اۋدانىندا جولاۋشى قارا قاپقا سالىنعان ءمايىتتى تاپتى»، - دەدى اگەنتتىككە ءى ءى م وبلىستىق باسقارماسىنىڭ باسپا ءسوز قىزمەتىنەن.

انتون كريۆوشەيەۆتى پوليتسيا مەن «دوبروسپاس» ۇيىمىنىڭ ەرىكتىلەرى ىزدەگەن. ەرىكتىلەردىڭ اقپاراتىنشا، سپورتشى ۇيىنەن ءوزىنىڭ «Porsсhe Cayenne» ماركالى اۆتوموبيلىمەن 21- مامىردا شامامەن ساعات 14 تە شىعىپ كەتكەن. سوڭعى رەت جاقىندارىمەن ساعات 14:35 تە بايلانىسقا شىققان.

كەيىن ونىڭ اۆتوموبيلى نوۆوسىبىردىڭ وكتيابر اۋدانىنان تابىلدى. كريۆوشەيەۆتىڭ قۇجاتتارى مەن ۇيالى تەلەفونى وندا جوق بولىپ شىقتى.

انتون كريۆوشەيەۆ - حالىقارالىق دارەجەدەگى سپورت شەبەرى، 65 كەلى سالماققا دەيىنگى دارەجەدە كاراتە بويىنشا الەم چەمپيونى بولعان.