07:14, 26 - مامىر 2015 | GMT +6
شەشەنستان پرەزيدەنتى گولليۆۋد رەجيسسەرىنىڭ فيلمىندە باستى ءرولدى سومدادى
استانا. قازاقپارات - شەشەنستان باسشىسى رامزان قادىروۆ «تۇسىنبەگەن تۇسىنەدى» فيلمىندە باستى رولدە وينادى، دەپ حابارلادى ت ا س س.
بۇل تۋرالى ول الەۋمەتتىك جەلىدەگى پاراقشاسىندا حابارلادى.
«جاقىن ارادا تەلەديدار ەكراندارى مەن كينوتەاترلاردا «تۇسىنبەگەن تۇسىنەدى» فيلمىن تاماشالاڭىزدار. كوپ ۋاقىتقا سوزىلعان كەلىسسوزدەردەن كەيىن وسى كارتيناعا ءتۇسىپ، باستى ءرولدى ويناۋعا كەلىستىم. جەكە قويىلىمدار ءتۇسىرىلدى»، - دەپ اتاپ ءوتتى ول.
ونىڭ سوزىنە قاراعاندا، فيلمنىڭ رەجيسسەرى - اتاقتى گولليۆۋدتىق فيلمدەردىڭ اۆتورى. سونداي-اق، فيلمدە ەڭ تانىمال الەم كينوجۇلدىزدارى تۇسكەن.
