قازاقستاندا «سوڭعى قوڭىراۋ» قالاي ءوتتى - فوتو
«قازاقپارات» ح ا ا وقىرماندارىنا قازاقستاننىڭ ءار جەرىندە تۇلەكتەردىڭ مەكتەپپەن قالاي قوشتاسقانىن كورۋدى ۇسىنىپ وتىر.
بيىل استانادا 4407 تۇلەك مەكتەپ ءبىتىردى. ق ر ءبىلىم جانە عىلىم ءمينيسترى اسلان ءسارىنجىپوۆ 64№ مەكتەپ-ليتسەيىندە وتكەن سالتاناتتى شاراعا قاتىستى. ول جىل سايىن ق ر ب ع م ج و و- دا ءبىلىم الۋ ءۇشىن 35 مىڭ گرانت بولەتىنىن ايتتى.
3№ مەكتەپتىڭ تۇلەكتەرىن قۇتتىقتاۋعا قر پرەمەر- مينيسترىنىڭ ورىنباسارى بەردىبەك ساپاربايەۆ كەلدى. ول وقۋشىلارعا ۇلتتىق بىرىڭعاي تەستىلەۋدى ءساتتى تاپسىرۋلارىن تىلەدى.
بيىل استانا اكىمى ادىلبەك جاقسىبەكوۆ ءوزى وقىعان 6№ گيمنازيادا وتكەن ءىس- شارادا بولدى. ونىڭ سوزىنە قاراعاندا، 1972-جىلى ءوزى دە وسى مەكتەپ بىتىرۋشىلەرى ءتارىزدى سول ءبىر ساتتە بولاشاعى تۋرالى ويلاعان.
الماتىدا 7905 تۇلەك التىن ۇيا - مەكتەبىمەن قوشتاستى. 90№ مامانداندىرىلعان مەكتەپ ليتسەيىندە وتكەن جيىنعا قالا باسشىسى احمەتجان ەسىموۆ قاتىستى.
سولتۇستىك قازاقستان وبلىسىندا جالپى ءبىلىم بەرەتىن مەكتەپتەردىڭ 3733 تۇلەگى ءۇشىن «سوڭعى قوڭىراۋ» سىڭعىرلادى. پەتروپاۆل قالاسىنداعى قازاق مەكتەپ-گيمنازياسىنىڭ تۇلەكتەرىن ايماق باسشىسى ەرىك سۇلتانوۆ قۇتتىقتادى. بيىل بۇل ءبىلىم وشاعىندا 40 بالا وقۋ ءبىتىردى. 25- مامىردا سقو- نىڭ 577 مەكتەبىندە سوڭعى قوڭىراۋ سوعىلدى.
الماتى وبلىسىنىڭ اماندىق باتالوۆ تالدىقورعانداعى نازاربايەۆ زياتكەرلىك مەكتەبىندە بولدى. بيىل بۇل مەكتەپتى 97 وقۋشى ءبىتىردى. بارلىعى الماتى وبلىسىنداعى 735 مەكتەپتە 15 مىڭ وقۋشى ءۇشىن سوڭعى قوڭىراۋ سوعىلدى.
بقو اكىمى نۇرلان نوعايەۆ ورال قالاسىندا №35 مەكتەپ- ليتسەيدەگى سوڭعى قوڭىراۋ سالتاناتىنا قاتىسىپ، تۇلەكتەردى قۇتتىقتادى. ايماقتا 4518 تۇلەك ءۇشىن سوڭعى قوڭىراۋ سوعىلدى.
