بەردىبەك ساپاربايەۆ جاستار ۇيىمدارىنا قاتىستى سىن ايتتى

استانا. قازاقپارات - بالالارمەن جانە جاستارمەن جۇمىس جاساۋعا رەسپۋبليكالىق جانە جەرگىلىكتى بيۋدجەت قاراجاتىنان جىل سايىن 7 ميللياردقا جۋىق تەڭگە الاتىن ۇكىمەتتىك ەمەس ۇيىمداردىڭ قىزمەتى ايتارلىقتاي ناتيجە بەرمەيدى، دەگەن پىكىر ءبىلدىردى بۇگىن ق ر پرەمەر-ءمينيسترىنىڭ ورىنباسارى بەردىبەك ساپاربايەۆ ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىندە وتكەن جاستارمەن كەزدەسۋدە.

بۇل تۋرالى primeminister.kz. سايتىندا جازىلدى.

«ۇكىمەتتىك ەمەس ۇيىمدارعا قاتىستى جىل سايىن رەسپۋبليكالىق جانە جەرگىلىكتى بيۋدجەت ەسەبىنەن 7 ميللياردقا جۋىق تەڭگە بولىنەدى، بۇل قاراجات نەگىزىنەن بالالارمەن جانە جاستارمەن جۇمىس جاساۋعا باعىتتالادى»، - دەدى ب. ساپاربايەۆ.

وعان قوسا، ول قابىلدانعان شارالارعا قاراماستان سالىنعان قاراجاتتان قايتارىم از ەكەنىن اتاپ ءوتتى.

«ەلىمىزدە جاستار ۇيىمدارى كوپ، الايدا جاستاردىڭ وعان قاتىسۋى تومەن. ب ق و- دا جانە ماڭعىستاۋ وبلىسىندا الەۋمەتتىك ساۋالناما ءوتتى. وسى ەكى وبلىستا ساۋالناماعا قاتىسقان جاستاردىڭ %70 قانداي دا ءبىر جاستارعا ارنالعان ۇيىمداردىڭ بار ەكەندىگىنەن بەيحابار»، - دەدى ۆيتسە-پرەمەر.