ەلوردادا نوبەل اكادەمياسىنىڭ وكىلدىگى اشىلدى
قازاقستاندىق ستۋدەنتتەر ەندى ۇلى بريتانيادا تەگىن جوعارى ءبىلىم الا الادى. ەلوردادا نوبەل اكادەمياسىنىڭ ەلشىگىلىن اشۋدىڭ ارقاسىندا ەلىمىزدىڭ ۇزدىك وقۋشىلارى تاعايىندالعان 5 گرانتتى ساراپقا سالادى. تۇلەكتەر ماۋسىم ايىندا باعدارلاما بويىنشا ەمتيحان تاپسىراتىن بولادى.
«قازاق ەلىنىڭ نوبەل وتباسىمەن تاريحي قارىم-قاتىناسىن ەسكەرە وتىرىپ، استانا قالاسىندا اكادەميا اشۋدى ءجون سانادىق. مۇنداي وكىلدىكتەردى الماتى، اتىراۋ جانە قازاقستاننىڭ باسقا دا قالالارىندا اشۋ جوسپارلانعان. ورتالىقتا ۇزدىك وقىعان ستۋدەنتتەر ۇلى بريتانيا مەن شۆەيتساريانىڭ جوعارى ءبىلىم ديپلومدارىنا يە بولادى. ەڭ ۇزدىك وقۋشىلار الەمنىڭ كەز-كەلگەن ۋنيۆەرسيتەتىندە ءوز ءبىلىمىن جەتىلدىرۋگە مۇمكىندىك الادى»، - دەدى Nobel International Fraternity Academy ءتوراعاسى فيليپ نوبەل.
ءبىرىنشى كەزەكتە، جاڭا ورتالىقتا تۇلەكتەر اعىلشىن ءتىلىن جەتىك مەڭگەرگەنىن كورسەتۋلەرى كەرەك. ستۋدەنتتەر ورتالىقتا ەكونوميكا، بيزنەس جانە زاڭ سالالارىنداعى ماماندىقتار بويىنشا ءبىلىم الادى.
