استانادا مەكتەپ تۇلەكتەرىنىڭ «تريۋمف» بالى وتۋدە

استانا. قازاقپارات - ءبىلىم بايگەلەرىندە ەلوردا مارتەبەسىن اسقاقتاتقان مەكتەپ تۇلەكتەرىن سالتاناتتى تۇردە ماراپاتتاۋ ماقساتىندا، تاۋەلسىزدىك سارايىندا دارىندى بالالارعا ارنالعان «تريۋمف» بالى ءوتىپ جاتىر.

بالعا استانانىڭ ءبىلىم بەرۋ وردالارىنىڭ 11-سىنىپ وقۋشىلارى قاتىسۋدا.

«تريۋمف» بالى اعىمداعى جىلى جالپى ورتا ءبىلىم بەرەتىن پاندەر بويىنشا وتكىزىلگەن حالىقارالىق، رەسپۋبليكالىق وليمپيادالار مەن عىلىمي جوبا سايىستارىنىڭ 350 دەن اسا جەڭىمپازىنا ارنالىپ وتىر. باس جۇلدە يەگەرلەرى مەن ولاردى سايىسقا دايىنداعان عىلىمي جەتەكشىلەر بالدىڭ سالتاناتتى بولىمىندە ماراپاتتالادى. ولار ءوزىنىڭ ىرى عىلىمي جوبالارى ارقىلى ۇلكەن جەتىستىككە جەتىپ، ۇ ب ت تاپسىرۋدان بوساتىلعان جانە قازاقستان مەن شەت ەلدەردىڭ ەڭ مىقتى ۋنيۆەرسيتەتتەرىندە وقۋعا جولداما العاندار. ولار بۇگىن وزدەرىنىڭ جەمىستى ەڭبەكتەرى ءۇشىن وسىنداي بالعا قاتىسۋعا لايىق دەپ ەسەپتەيمىز»، - دەيدى استانا قالالىق ءبىلىم باسقارماسىنىڭ باستىعى ەلميرا سۋحانبەردييەۆا.

جالپى 2014-2015 وقۋ جىلىندا استانالىق وقۋشىلار ا ق ش، برازيليا، گرۋزيا، رەسەي، كورەيا ەلدەرىندە وتكەن حالىقارالىق وليمپيادالارعا قاتىسىپ، ناتيجەسىندە 235 مەدالدى قورجىنعا سالعان.

اۆتور: جاسۇلان جولدىبايەۆ