ق. توقايەۆ يران جانە چەحيا ەلشىلەرىن قابىلدادى
سەنات ءتوراعاسى م. داميرچيلۋدىڭ قازاقستانداعى ديپلوماتيالىق ميسسياسى تابىستى بولاتىنىنا جانە ەكى ەل اراسىنداعى ءوزارا ءتيىمدى ىنتىماقتاستىقتى دامىتۋعا جاڭا سەرپىن بەرەتىنىنە سەنىم ءبىلدىردى.
م. داميرچيلۋ تاياۋداعى سايلاۋدا پرەزيدەنت ن. نازاربايەۆتىڭ ايقىن جەڭىسىنە يراندا ىقىلاسپەن نازار اۋدارىپ وتىرعانىن اتاپ ءوتتى: «پرەزيدەنت سايلاۋىنىڭ ناتيجەلەرى حالىقتىڭ ءوز پرەزيدەنتىنە شىنايى سەنىمىن پاش ەتتى. قازاقستان ورتالىق ازيا ايماعىنداعى كوشباسشى بولعاندىقتان حالىقتىڭ بۇل تاڭداۋى قازاقستاننىڭ عانا ەمەس، بۇكىل ايماقتىڭ تۇراقتى دامۋىن قامتاماسىز ەتەدى».
ەلشى قازاقستان پرەزيدەنتى ن. نازاربايەۆتىڭ الداعى يرانعا رەسمي ساپارىنا ازىرلىك تۋرالى ق. توقايەۆتى حاباردار ەتتى. سەنات ءتوراعاسى مەملەكەت باسشىسىنىڭ ساپارى ەكى ەلدىڭ ءتۇرلى سالاداعى ىنتىماقتاستىعىن دامىتۋعا زور سەرپىن بەرەتىنى تۋرالى پىكىرىن ءبىلدىردى.
سەنات ءتوراعاسى قازاقستانداعى ينستيتۋتسيونالدىق رەفورمالار مەن الەمدىك جانە ءداستۇرلى دىندەر ليدەرلەرىنىڭ V سەزىنە ازىرلىك تۋرالى تۋرالى جۇزدەسۋشىگە اڭگىمەلەدى جانە دۇنيەجۇزىلىك يسلام مازحابشىلارىنىڭ جاقىنداسۋ اسسامبلەياسىنىڭ باس حاتشىسى اياتوللا موحسەن اراكيدىڭ ءدىني فورۋمعا قاتىسۋىنا قازاقستان زور ماڭىز بەرەتىنىن اتاپ ءوتتى.
سەنات توراعاسىمەن كەزدەسۋى بارىسىندا چەحيانىڭ قازاقستانداعى ەلشىسى ەليشكا جيگوۆا قازاقستاننىڭ الەۋمەتتىك-ەكونوميكالىق سالاداعى ەلەۋلى جەتىستىكتەرىنە توقتالدى.
ق. توقايەۆ «بەس ينستيتۋتسيونالدىق رەفورمانى ىسكە اسىرۋ جونىندەگى 100 ناقتى قادام» باعدارلاماسى مەن «نۇرلى جول» جاڭا ەكونوميكالىق باعىتىنىڭ نەگىزگى ماسەلەلەرى تۋرالى چەح ديپلوماتىن حاباردار ەتە كەلىپ، وسى باعدارلامالارعا بايلانىستى شەتەلدىك ينۆەستورلارعا اشىلاتىن زور مۇمكىندىكتەردى اتاپ ءوتتى. سەنات باسشىسى استانادا اعىلشىن قۇقىقتارى قاعيدالارىنا نەگىزدەلگەن، جەڭىلدەتىلگەن سالىق ءتارتىبى مەن تاۋەلسىز قارجى سوتىنا يە حالىقارالىق قارجى ورتالىعىن قۇرۋ جوسپارلارىنا چەحيا ەلشىسىنىڭ نازارىن اۋداردى.
ەلشى جيگوۆا قازاقستان ەكونوميكادا رەفورمالاردى بەلسەندى جۇرگىزىپ كەلە جاتقان مەملەكەت رەتىندە الەمگە تانىمال ەكەنىن اتاپ ءوتتى. ول قازاقستانمەن ىنتىماقتاسقان مەملەكەتكە قاتىناستاردى قۇقىقتىق رەتتەۋگە ماقساتىنداعى ءبىزدىڭ ەلىمىزدە قابىلدانعان «دامۋعا رەسمي كومەك تۋرالى» زاڭنىڭ ماڭىزدى ەكەنىن ايتتى. «قازاقستان باسقا ەلدەرگە كومەك كورسەتەتىن دونورعا اينالدى»، - دەدى چەح ەلشىسى.
