سەنات ءتوراعاسى ۇلت جوسپارىنا ارىپتەستەرىنىڭ نازارىن اۋداردى
مەملەكەت باسشىسى ن. نازاربايەۆتىڭ بەس ينستيتۋتسيونالدىق رەفورمانى ىسكە اسىرۋ جونىندەگى 100 قادام - ۇلت جوسپارىنا بيۋرو مۇشەلەرىنىڭ نازارىن اۋدارعان ق. توقايەۆ الەمدىك قوعامداستىقتا مويىندالعان كورنەكتى رەفورماتور ەلباسى باعدارلاماسىنىڭ ەرەكشەلىگىن اتاپ ءوتتى.
سەنات باسشىسى ارىپتەستەرىنە ۇلت جوسپارىن زەردەلەۋدى جانە قازىرگى كەزدەگى زاڭ شىعارۋ ىسىندە پايدالانۋدى تاپسىردى. «ۇلت جوسپارىن ىسكە اسىرۋ ءبىزدىڭ ەلىمىزدى دامۋدىڭ جاڭا ساپاسىنا شىعارادى جانە الەمنىڭ ەڭ دامىعان ەلۋ ەلىنىڭ قاتارىنا ەنۋگە مۇمكىندىك بەرەدى. ءبىز وسى باعدارلامانىڭ ىسكە اسىرۋعا ءوز ۇلەسىمىزدى قوسىۋىمىز كەرەك»، - دەدى سەنات ءتوراعاسى.
جوعارعى پالاتانىڭ 28- مامىردا بولاتىن كەزەكتى وتىرىسىندا سەناتورلار «قازاقستان رەسپۋبليكاسى مەن قىرعىز رەسپۋبليكاسى اراسىنداعى شەكارا اۋدانىنداعى سەنىم شارالارى جونىندەگى كەلىسىمدى راتيفيكاتسيالاۋ تۋرالى»؛ «قازاقستان رەسپۋبليكاسىنىڭ ۇكىمەتى مەن قىرعىز رەسپۋبليكاسىنىڭ ۇكىمەتى اراسىنداعى شەكارا وكىلدەرىنىڭ قىزمەتى تۋرالى كەلىسىمدى راتيفيكاتسيالاۋ تۋرالى»؛ «قازاقستان رەسپۋبليكاسىنىڭ بىتىمگەرشىلىك قىزمەتى تۋرالى»؛ «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسىنىڭ بىتىمگەرشىلىك قىزمەتى ماسەلەلەرى بويىنشا تولىقتىرۋلار ەنگىزۋ تۋرالى» (ءبىرىنشى وقىلىم) جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سۋمەن جابدىقتاۋ جانە سۋ بۇرۋ، تۇرعىن ءۇي-كوممۋنالدىق شارۋاشىلىقتى كرەديتتەۋ جانە سۋبسيديالاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» (ەكىنشى وقىلىم) زاڭ جوبالارىن قارايتىن بولدى.
اۆتور: سەرىك قاراجان
