ۇزدىك انيماتسيالىق ونەردى دامىتۋ ءۇشىن ءبىرقاتار تالانتتى جاستار «بولاشاق» ارقىلى وقۋعا جىبەرىلدى
بۇل تۋرالى بۇگىن ورتالىق كومۋنيكاتسيالار قىزمەتىندەگى باسپا ءسوز ءماسليحاتىندا ق ر مادەنيەت جانە سپورت ءمينيسترى ارىستانبەك مۇحامەدي ۇلى ءمالىم ەتتى.
«ۇلتتىق انيماتسيالىق ستۋديا مەن دوكۋمەنتاليستيكا ستۋدياسىن قۇرۋ ماڭىزدى باعىت رەتىندە بەلگىلەنىپ وتىر. انيماتسيا ۇلتتىق ەرەكشەلىكتى جارقىن وبرازدا جەتكىزۋگە قاۋقارلى. انيماتسيالىق ونەردىڭ باستى ماقساتى - وسكەلەڭ ۇرپاق اراسىندا قۇندىلىقتاردى كەڭىنەن تاراتۋعا نەگىزدەلگەن مۋلتيپليكاتسيالىق فيلمدەردى قۇرۋ»، - دەدى مينيستر.
ۇلتتىق انيماتسيانىڭ ستۋدياسىن قۇرۋ ماسەلەسىن بىرنەشە جىلدان بەرى كوتەرىپ جۇرگەنىنە توقتالعان ول، «انيماتسيا بويىنشا ۇلكەن جوسپارلار بار. ءبىراق، بۇل جۇمىستاردى ىسكە اسىرۋ وڭاي شارۋا ەمەس. سەبەبى، بىرنەشە جىلدان بەرى وسى سالادا كادرلاردىڭ جەتىسپەۋشىلىگى كەدەرگى بولىپ تۇر. سالاداعى رەجيسسەرلەر جوعارى دارەجەلى بولۋى كەرەك. وسى ورايدا «بولاشاق» باعدارلاماسىمەن ءبىرقاتار تالانتتى جاستاردى وقۋعا جىبەردىك»، - دەدى مينيستر.
اۆتور: رۋسلان عابباسوۆ
