قازاقستاندا ءبىرقاتار لاۋازىمدى تۇلعالار پارا العانى ءۇشىن ۇستالدى
ۆەدومستۆونىڭ اقپاراتىنا سايكەس، يندۋستريالدىق دامۋ جانە ونەركاسىپتىك قاۋىپسىزدىك كوميتەتىنىڭ الماتى وبلىسى بويىنشا دەپارتامەنتىنىڭ باسشىسى جۇيەلى نەگىزدە باعىنىستى قىزمەتكەرلەرمەن قىلمىستىق ءسوز بايلاسىپ، قاۋىپتى تەحنيكالىق قۇرىلعىلاردى ورناتقانى جانە ەسەپتەن العانى، گازبەن جابدىقتاۋ نىساندارىنا جوبالاردى كەلىسكەنى ءۇشىن كاسىپكەرلەردەن 50 دەن 200 مىڭ تەڭگەگە دەيىن پارا الىپ وتىرعان. كۇدىكتىنىڭ جالپى سوماسى 640 مىڭ تەڭگە پارا العانى تۋرالى ءبىرقاتار فاكتىلەر انىقتالدى.
سونداي-اق اقتوبە وبلىسى مەملەكەتتىك تابىس دەپارتامەنتىنىڭ ەكونوميكالىق تەرگەۋ قىزمەتى ءبولىمىنىڭ باسشىسى ۇستالدى. ول اقتوبە وبلىسى م ت د باسقارماسى باسشىنىڭ ورىنباسارىمەن الدىن الا ءسوز بايلاسىپ، تۇلعالار توبىمەن بوپسالاۋ ارقىلى «ميلحاۋس» ج ش س باسشىسىن قىلمىستىق جاۋاپكەرشىلىكتەن بوساتقانى ءۇشىن جەكە 15000 دوللار كولەمىندە پارا العان.
بۇدان باسقا «پاۆلودار ق. توتەنشە جاعدايلار باسقارماسى» م م باسشىسى، ورتكە قارسى قىزمەت پولكوۆنيگى «Rashat and Company» ج ش س زاڭگەرىمەن قىلمىستىق ءسوز بايلاسىپ، پاۆلودار ق. كومەرتسيالىق نىسانداردى پايدالانۋعا ەنگىزۋ اكتىلەرىن كەلىسكەنىنە پارا العانى ءۇشىن اشكەرەلەندى. بۇل رەتتە لاۋازىمدى تۇلعانىڭ زاڭسىز قىزمەتىنىڭ ارتىندا جىلجىمايتىن مۇلىك نىساندارىن پايدالانۋعا بەرۋ نەمەسە قايتا جوندەۋ جوبالارىن وڭ شەشكەنى ءۇشىن سوماسى 500 دەن 1000 دوللارعا دەيىن پارا مولشەرى انىقتالدى.
سونىمەن 2015-جىلعى 22- مامىردا (پاۆلودار ق. كومەرتسيالىق نىساندى پايدالانۋعا ەنگىزۋ بويىنشا قابىلداۋ كوميسسياسىنىڭ اكتىلەرىن زاڭسىز كەلىسكەنى ءۇشىن) دەلدال ارقىلى 90 مىڭ تەڭگە كولەمىندە پارا الدى دەگەن كۇدىكپەن اتالمىش لاۋازىمدى تۇلعا ۇستالدى.
