قارجى ءمينيسترى قازاقستان مەن قىتاي تاۋار اينالىمى ستاتيستيكاسىنداعى كەمشىلىكتەردى مويىندادى
قىتاي حالىق رەسپۋبليكاسى مەن قازاقستان رەسپۋبليكاسى اراسىنداعى تاۋار اينالىمنىڭ ستاتيستيكالىق مالىمەتتەرىنىڭ قايشىلىعىنا قاتىستى ەسەپ كوميتەتىنىڭ 2010-جىلعى بيۋدجەت بويىنشا ەسەبىندە «كەدەن باقىلاۋ كوميتەتى قىتاي حالىق رەسپۋبليكاسىمەن اقپاراتتىق ارەكەتتەستىگى بويىنشا جۇمىستاردى قامتاماسىزداندىرۋ جۇيە بولىگى بولىپ تابىلاتىن ەلەكتروندىق كەدەن اپپاراتتىق جۇيەسىن قۇرۋ ءۇشىن 2,7 ميلليارد تەڭگە جۇمسادى. اتالعان جۇيە قىتاي حالىق رەسپۋبليكاسىنىڭ كەدەن ورگانىمەن اقپاراتتىق ارەكەتتەستىك بويىنشا جۇيەلى جۇمىس ىستەپ تۇر ما؟ قىتاي تاراپى قازاقستانعا ەكسپورت بويىنشا مالىمەتتەردى جولداۋعا دايىن بولسا، قىتايدان ناقتى يمپورت كولەمىن انىقتاۋ بارىسىندا تابىستى ماعلۇماتتار كەزىندە قىتاي كەدەن ورگاندارىنىڭ مالىمەتتەرىن پايدالانامىز با؟» - دەپ سۇراعان ەدى سەنات دەپۋتاتتارىنىڭ ءبىرى مينيستردەن.
ءوز كەزەگىندە مينيستر قىتايمەن تاۋار اينالىم تۋرالى ستاتيستيكادان ءبىراز كەمشىلىكتەر بار ەكەندىگىن اشىق ايتتى.
«ءبىراق بۇل تەك قانا بىزبەن عانا ەمەس، كەدەندىك وداق اياسىندا، مىسالى، رەسەي، قىرعىزستانمەن دە وسىنداي ايىرماشىلىقتار بار. ستاتيستيكاداعى ايىرماشىلىقتار بويىنشا جۇمىس جۇرگىزىپ جاتىرمىز. ال مىنا ەلەكتروندى جۇيەدە اقپارات الماسۋ تۋرالى قازىرگى كۇنى پرەمەر-مينيستر قىتايعا بارعان كەزدە، ارىپتەستەرىمىز بىزگە كەلگەن كەزدە جاسالعان كەلىسىمدەر بار. ول كەلىسىمدەرگە قاراپ سىزگە جازباشا جاۋاپ بەرەمىز. بۇل قيىن جۇمىس، ەكى جاقتى عانا جۇمىس ەمەس. باسقا دا تاراپتارمەن بىرگە جۇمىس اتقارۋ كەرەك. بۇل جۇمىستار تۋرالى ءالى ايتامىز»، - دەدى ب. سۇلتانوۆ.
اۆتور: مارلان جيەمباي
