قىتاي ەكسپورتى كولەمى مەن قازاقستان يمپورتىنىڭ كولەمى اراسىندا الشاقتىق بار - قوزى- كورپەش جاڭبىرشين

استانا. قازاقپارات - قىتاي ەكسپورتى كولەمى مەن قازاقستان يمپورتىنىڭ كولەمى اراسىندا الشاقتىق بار.

بۇل تۋرالى بۇگىن ق ر پارلامەنتى سەناتىنىڭ وتىرىسىندا رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ ءتوراعاسى قوزى- كورپەش جاڭبىرشين ءمالىم ەتتى.

 «قىتاي حالىق رەسپۋبليكاسىندا شىعارىلاتىن تاۋارلاردىڭ ەكسپورتىنىڭ كولەمى بويىنشا ستاتيستيكالىق دەرەكتەردىڭ قازاقستان رەسپۋبليكاسىنا يمپورتىنىڭ كولەمىمەن الشاقتىعى ماسەلەسى شەشىلمەي قالدى»، - دەدى ول.

وسى رەتتە ەسەپ كوميتەتىنىڭ ءتوراعاسى ساراپتامالىق باعالاۋعا سايكەس سالىق كوپ سالىناتىن تاۋارلار بويىنشا 2013 - جىلعى كەدەندىك تولەمدەر مەن سالىقتاردىڭ ىقتيمال تولىق تۇسپەۋى 22,7 ميلليارد تەڭگەنى قۇراۋى مۇمكىن ەكەندىگىن اتاپ ءوتتى. «اتالعان پروبلەمانى بارىنشا تولىعىراق زەردەلەپ، ستاتيستيكالىق ەسەپكە الۋ ءادىسناماسىنا سايكەس كەلتىرۋ قاجەت دەپ ەسەپتەيمىز»، - دەدى ق. جاڭبىرشين.

 سونىمەن قاتار ول ءوز سوزىندە دەبيتورلىق جانە كرەديتورلىق بەرەشەكتەردىڭ ۇلعايعانىن اتاپ ءوتتى. «دەبيتورلىق بەرەشەك جىل سوڭىندا 170 ميلليارد تەڭگەنى قۇراسا، كرەديتورلىق بەرەشەك شامامەن 2 ەسەگە ۇلعايىپ، 70 ميلليارد تەڭگە بولدى»، - دەدى ول.

 اۆتور: مارلان جيەمباي