تانىمال ءانشى دينارا قىرىقبايەۆا ۇزاتىلدى - فوتو

استانا. قازاقپارات - تانىمال ءانشى دينارا قىرىقبايەۆا ۇزاتىلدى، - دەپ حابارلايدى Tengrinews.kz ءتىلشىسى Neke.kz پورتالىنا سىلتەمە جاساپ. باسىلىمنىڭ مالىمەتىنشە، ۇزاتۋ تويى 24 - مامىردا الماتىدا ءوتتى.

تويعا قازاق ەستراداسىنداعى تانىمال انشىلەر قۇرالاي مەن ميراس، مەرۋەرت تۇسىپبايەۆا، ادىلەت جەڭىس، قايرات تۇنتەكوۆ، سەيفۋللين جولبارىس، «رينگو» توبىنىڭ مۇشەلەرى كەلدى.

 تويدى اكتەر ءارى اسابا ازامات ساتىبالدى جۇرگىزدى.

 
تويعا كەلگەن قۇدالار قاتارىندا ءانشى گۇلنۇر ورازىمبەتوۆا دا بولدى.

 
مەيرامحانا دينارانىڭ سۇيىكتى كۇلگىن تۇسىمەن بەزەندىرىلدى. تويدا "داريعا شوۋ" ورتالىعى ءبي مەن اننەن شاشۋ شاشتى.

 5 - مامىردا دينارا Instagram الەۋمەتتىك جەلىدەگى پاراقشاسىندا سۇيىكتىسىنىڭ تۇرمىسقا شىعۋعا ۇسىنىس جاساعانىن ايتىپ، ءسۇيىنشى سۇراعان بولاتىن. 10 - مامىردا ءانشى گۇلنۇر ورازىمبەتوۆا ديناراعا سىرعا سالعاندارىن، ونىڭ وزىنە كەلىن بولاتىنىن حابارلادى. ايتا كەتەيىك، دينارانىڭ كۇيەۋ جىگىتى 1985 -جىلى تۋىلعان ولجاس ەسىمدى جىگىت. ول تالدىقورعان قالاسىنىڭ تۋماسى.