ق ر اۋىل شارۋاشىلىعى مينيسترلىگى قازاقستاندا كيىكتەردىڭ قىرىلۋ سەبەپتەرىن انىقتاۋ ءۇشىن ف ا و ساراپشىلارىن تارتپاق
«اۋىل شارۋاشىلىعى ءمينيسترى اسىلجان مامىتبەكوۆ جانە بىرىككەن ۇلتتار ۇيىمىنىڭ اۋىل شارۋاشىلىق جانە ازىق- تۇلىك ۇيىمىنىڭ باس ديرەكتورى جوزە گراتسيانۋ دا سيلۆا قازاقستان رەسپۋبليكاسى ۇكىمەتىمەن بىرىككەن ۇلتتار ۇيىمىنىڭ اۋىل شارۋاشىلىق جانە ازىق- تۇلىك ۇيىمى اراسىندا ف ا و سەرىكتەستىكپەن بايلانىس، قازاقستان رەسپۋبليكاسىنا تەحنيكالىق جاردەمدەسۋ قىزمەتىن ۇسىنۋ جانە ف ا و/قازاقستاننىڭ سەرىكتەستىك باعدارلاماسىنىڭ دامۋى بويىنشا بيۋرونىڭ اشىلۋى جونىندە كەلىسىمگە قول قويدى.
كەلىسىم 8- استانا ەكونوميكالىق فورۋمى شەڭبەرىندە ازىق- تۇلىك قاۋىپسىزدىگى تاقىرىبىندا وتكەن ق ر اۋىل شارۋاشىلىعى مينيسترلىگىنىڭ پانەلدىك سەسسياسىنا قاتىسقان ف ا و باس ديرەكتورى جوزە گراتسيانۋ دا سيلۆانىڭ كەلۋىنە وراي قويىلدى.
كەلىسىم شەڭبەرىندە تاراپتار تەحنيكالىق مامانداردى تارتۋ، اۋىل شارۋاشىلىعىنىڭ باسىمدى باعىتتارى بويىنشا تەحنيكالىق جاردەمدەسۋ (مال شارۋاشىلىعى، ۆەتەريناريا، وسىمدىك شارۋاشىلىعى) جوبالارىن ىسكە اسىرۋ بويىنشا بىرلەسىپ جۇمىستاردى جۇرگىزۋگە كەلىستى.
قازاقستان رەسپۋبليكاسىندا ف ا و وكىلدىگىنىڭ اشىلۋى قازاقستاننىڭ ازىق- تۇلىك قاۋىپسىزدىگىن قامتاماسىز ەتۋدە حالىقارالىق كوورديناتسيانى كۇشەيتۋدىڭ ماڭىزدى كورسەتكىشى بولىپ تابىلادى. رەسپۋبليكانىڭ الەمدىك نارىقتارعا ەكولوگيالىق تازا جانە باسەكەگە قابىلەتتى اۋىل شارۋاشىلىعى ونىمدەرىن جەتكىزۋ مۇمكىنشىلىگىن ەسكەرە وتىرىپ، قازاقستان ءۇشىن اشىلاتىن كەڭسە ف ا و جانە ونىڭ قۇرامىنا كىرەتىن ەلدەرمەن تىعىز ىنتىماقتاستىق جۇرگىزۋدىڭ نەگىزى بولادى.
قازىرگى ۋاقىتتا «اگروبيزنەس - 2020» باعدارلاماسىمەن قاراستىرىلعان قازاقستاننىڭ اۋىل شارۋاشىلىعىنىڭ الدىندا قويىلعان وزەكتى ماسەلەلەردى شەشۋدە ف ا و تاراپىنان ۇسىنىلاتىن اقپاراتتىق رەسۋرستار، تەحنيكالىق جانە كەڭەستىك قولداۋ ماڭىزدى ءرولدى اتقارادى»، - دەپ جازىلعان ق ر ا ش م باسپا ءسوز قىزمەتى تاراتقان حابارلامادا.
