09:30, 25 - مامىر 2015 | GMT +5
ساۋد ارابياسىندا مەشىتتى جارعان لاڭكەستىڭ «ي م» سودىرلارىنا قاتىسى بار
ءابۋ- دابي. قازاقپارات - ساۋد ارابياسىنىڭ شىعىسىنداعى كاتيف ۋەزىندە ورنالاسقان مەشىتتى جارعان لاڭكەس كورولدىكتىڭ قاۋىپسىزدىك ورگاندارى «يسلام مەملەكەتى» ۇيىمىنا قاتىسى بار دەگەن كۇدىكپەن ىزدەستىرگەن سالەح يبن ابدەل راحمان سالەح ال- كاشامي بولۋى مۇمكىن.
بۇل تۋرالى ساۋد ارابياسى ءى ءى م- ءنىڭ رەسمي وكىلى گەنەرال مانسۋر ات- تۋركي حابارلادى.
كريمينالدىق ساراپتاما بويىنشا، جارىلعىش زات قۇرامىندا «گەكسوگەن» ماتەريالى انىقتالدى.
جۇما كۇنى ساۋد ارابياسىنىڭ شىعىسىنداعى شيعالار مەشىتىندە لاڭكەس جارىلعىش زاتىن ىسكە قوسىپ، 19 ادام قازا تاپتى.
اراب الەمىندەگى ساراپشىلار بۇل وقيعا سۇننيتتەر مەن شيعالار اراسىنداعى ءدىنارالىق قاقتىعىستى ورشىتە تۇسكەنىن ايتتى. يراك، سيريا جانە يەمەندەگى وقيعانى ەسەپكە العاندا جاعداي ۋشىعا ءتۇستى. ساۋد ارابياسىنىڭ عۇلامالار جوعارعى كەڭەسى قىلمىستى سىنعا الدى.
«بۇل لاڭكەستىك ارەكەت يسلام جانە ادام قۇندىلىقتارىنا قايشى. بۇل كورولدىك تۇرعىندارى اراسىنداعى ءدىنارالىق قاقتىعىستى ءورشىتۋ ءۇشىن جاسالعان ءىس»، - دەدى كەڭەس سپيكەرى ابدۋللا بين مۇحاممەد بين يبراھيم ال ءال- شەيح.
