08:33, 25 - مامىر 2015 | GMT +5
نوبەل سىيلىعىنىڭ لاۋرەاتى كولىك اپاتىنان قازا تاپتى
استانا. قازاقپارات - امەريكاندىق ماتەماتيك، ەكونوميكا سالاسى بويىنشا نوبەل سىيلىعىنىڭ لاۋرەاتى دجون نەش نيۋ- دجەرسيدە كولىك اپاتىنان قازا تاپتى. ول 86 جاستا ەدى.
دجون نەش مىنگەن تاكسي كولىگى اپاتقا ۇشىراعان. ونىمەن بىرگە كولىكتە بولعان ايەلى دە اجال قۇشتى. جەرگىلىكتى NJ.com باسىلىمىنىڭ حابارلاۋىنشا، ولار قاۋىپسىزدىك بەلدىگىن تاعىنباعان.
ايتا كەتەيىك، نەش ەكونوميكا بويىنشا نوبەل سىيلىعىنىڭ لاۋرەاتى اتاعىن 1994 - جىلى الدى. وعان نەشتىڭ 1949 - جىلى 21 جاسىندا جازعان ويىندار تەورياسى تۋرالى ديسسەرتاتسيالىق جۇمىسى لايىق دەپ تانىلدى.
