بريتاندىق عالىمدار ءۇش ولشەمدى فيلمدەر ادام دەنساۋلىعىنا پايدالى دەپ تاپتى

 استانا. قازاقپارات - كينوعا بارۋدى سۇيەتىندەر 3D  سەانستارىندا باستارىنىڭ اۋىراتىنىنا شاعىمدانسا دا، بريتاندىق عالىمداردىڭ زەرتتەۋلەرى مۇنداي فورماتتاعى فيلمدەردىڭ كورۋدىڭ ادامعا ءلاززات سىيلاپ قانا قويماي، پايدالى ەكەندىگىن كورسەتتى.

نەيروبيولوگتار پاتريك فەگان مەن برەندان ۋوكەر 3D  سەانستارعا بارۋ ادام ميىنىڭ بەلسەندىلىگىن ارتتىرادى، دەگەن سەنىمدە. ولاردىڭ زەرتتەۋ ناتيجەلەرىنە سۇيەنسەك، ءۇش ولشەمدى فيلمدەردى تاماشالاعاننان كەيىن ادامداردىڭ رەاكسيالارى 11 پايىزعا، ال اقپاراتتى قورىتۋى قابىلەتى 23 پايىزعا ارتقانىن كورسەتتى. سالىستىرۋ ءۇشىن ايتا كەتسەك، D2  فيلمدى تاماشالاعانداردىڭ ناتيجەلەرى بۇدان بەس ەسەگە تومەن بولدى.

پاتريك فەگاننىڭ ايتۋىنشا، بۇل زەرتتەۋلەر قورىتىندىلارى D3 فيلمدەردىڭ ميدىڭ قارتايۋىن باياۋلاتاتىنىن بىلدىرەدى.

 الايدا ازىرگە D3 فيلمدەردىڭ پايدالالىعى تۋرالى تۇبەگەيلى تۇجىرىم جاسالماعانىن ايتا كەتەيىك. 2011 - جىلى كاليفورنيالىق عالىمدار مۇنداي كينولارعا بارۋ ادامنىڭ كورۋ قابىلەتىن ناشارلاتىپ، باسىنىڭ اۋرۋىنا اكەلەتىنىن ايتقان ەدى، دەپ جازادى filmpro.ru.