07:47, 25 - مامىر 2015 | GMT +5
قىرعىز رەسپۋبليكاسىنىڭ پرەزيدەنتى لاي كوشكىنىنەن قازا تاپقانداردىڭ وتباسىلارىنا كوڭىل ايتىپ، قارجىلاي كومەك كورسەتىلەتىنىن جەتكىزدى
استانا. قازاقپارات - قىرعىز رەسپۋبليكاسىنىڭ پرەزيدەنتى الماسبەك اتامبايەۆ ەل ۇكىمەتىنە قىسقا ۋاقىت ارالىعىندا دجالال- اباد وبلىسى سوزاق اۋدانىنداعى لاي كوشكىنى سالدارىن جويۋدى جانە تابيعي اپاتتان زارداپ شەككەندەرگە بار كومەكتى كورسەتۋدى تاپسىردى،
دەپ حابارلانعان قىرعىز رەسپۋبليكاسى پرەزيدەنتىنىڭ سايتىندا.
24 - مامىر كۇنى الماسبەك اتامبايەۆتىڭ تاپسىرماسىمەن اتالمىش اۋدانعا قۇتقارۋ جانە قالپىنا كەلتىرۋ جۇمىستارىن ۇيلەستىرۋ ءۇشىن وسى ەلدىڭ ت ج ءمينيسترى كۋباتبەك بورونوۆ باردى. سونداي- اق وقيعا ورنىنا قىرعىز رەسپۋبليكاسىنىڭ ۆيتسە- پرەمەر- ءمينيسترى ابدىراحمان ماماتاليەۆ جەتتى.
مەملەكەت باسشىسى ا. اتامبايەۆ كوشكىن سالدارىنان قايتىس بولعانداردىڭ وتباسىلارىنا كوڭىل ايتىپ، ولارعا كومەك رەتىندە 100 مىڭ سومنان قاراجات بولىنەتىنىن جەتكىزدى.
بۇدان بۇرىن حابارلاعانىمىزداي، قىرعىزستاننىڭ دجالال- اباد وبلىسى سوزاق اۋدانىندا ىرىس سەلولىق وكرۋگى كىرجول اۋىلىندا كوشكىن بولىپ، بەس ءۇيدى باسىپ قالدى.
