قاراعاندى كامپيتتەرى قىتاي اسپاق - فوتو

قاراعاندى. قازاقپارات - قاراعاندى وبلىسىنا جۇمىس ساپارىمەن شەنسي پروۆينتسياسىنىڭ (ق ح ر) دەلەگاتسياسى كەلدى. كەزدەسۋدە ساۋدا- ەكونوميكالىق ىنتىماقتاستىق ماسەلەلەرى قاراستىرىلدى. قىتايلىق جانە قاراعاندىلىق كاسىپكەرلەردىڭ قاتىسۋىمەن كەلىسىمشارت بيرجاسى ءوتتى.

«قاراعاندى وبلىسىنا العاش رەت كەلىپ وتىرمىز. مۇندا قىتايلىق بيزنەستىڭ 28 وكىلى كەلدى. كەزدەسۋ جەمىستى بولادى دەپ ويلايمىن. قازاقستان - قىتايدىڭ ستراتەگيالىق سەرىكتەسى. 2014 - جىلى شەنسي پروۆينتسياسى مەن قازاقستان اراسىنداعى تاۋاراينالىم 160 ميلليون ا ق ش دوللارىن قۇرادى. ءبىز جەمىس، قۇرىلعىلار، جۇك كولىكتەرىن ەكسپورتتايمىز»، - دەدى دەلەگاتسيا باسشىسى، شەنسي پروۆينتسياسى ۇكىمەتىنىڭ سىرتقى ساۋدا ءبولىمىنىڭ باسشىسى جاي بەي تسين.

«وبلىستا قىتايلىق كاپيتالدىڭ قاتىسۋىمەن 13 بىرلەسكەن كاسىپورىن جۇمىس ىستەيدى. قىتايلىق سەرىكتەستەردىڭ قاتىسۋىمەن ءبىرقاتار ءىرى جوبالاردى جۇزەگە اسىرۋ جوسپارلانعان. ولاردىڭ قۇنى بىرنەشە ميلليارد ا ق ش دوللارىن قۇرايدى»، - دەپ اتاپ ءوتتى وبلىستىق ونەركاسىپ جانە يندۋستريالدىق- يننوۆاتسيالىق دامۋ باسقارماسىنىڭ باسشىسى تولەگەن يگەمبايەۆ.

 سونىمەن قاتار، «سارى ارقا» ارنايى ەكونوميكالىق ايماعى تانىستىرىلدى.

 كەزدەسۋدە ىنتىماقتاستىق تۋرالى ءبىرقاتار كەلىسىمدەرگە قول قويىلدى. «شيان قالاسى ەلەكتروندى كوممەرتسياسى ۇلى جىبەك جولى» كومپانياسى قاراعاندى وبلىسىنداعى كاسىپكەرلەر پالاتاسىمەن جانە «قاراعاندى شىعىس تاتتىلەر فابريكاسى» ج ش س- مەن كەلىسىمشارتقا قول قويدى.

سونىمەن قاتار، دوڭعالاق تىسىنان رەزينوتەحنيكالىق بۇيىمداردى جاساۋمەن اينالىساتىن جەكە كاسىپكەر بابۋر جۇكەنوۆ «حايتۋ ماو ي سيان» كومپانياسىمەن سەرىكتەستىك ورناتۋعا كەلىستى.

 قىتايلىقتاردى كيىزدەن جاسالعان بۇيىمدار قىزىقتىردى. قاراعاندىلىق شەبەر اللا رۋدەنكو شيانداعى قازاقستان پاۆيلونىنا كيىزدەن جاسالعان اياق كيىم، ءشالى جانە وزگە دە قولدان جاسالعان ونىمدەردى جىبەرەدى.

كەزدەسۋدى كاسىپكەرلەر پالاتاسى مەن قاراعاندى وبلىسىنىڭ ساۋدا- ونەركاسىپ پالاتاسى، قاراعاندى مەملەكەتتىك تەحنيكالىق ۋنيۆەرسيتەتى ۇيىمداستىردى.