00:07, 25 - مامىر 2015 | GMT +5
ەلۋ جىلدان كەيىن قانداي جاھاندىق وزگەرىستەر بولادى؟
استانا. قازاقپارات- 2050 - جىلعا قاراي قىتاي ەكونوميكاسى ەڭ دامىعان مەملەكەتكە اينالادى. باتىستىڭ الەمدە جۇرگىزىپ جاتقان ۇستەمدىگى اياقتالىپ، بۇدان بىلاي جاھاندى وڭتۇستىك جارتى شاردا ورنالاسقان مەملەكەتتەر بيلەيدى.
بۇل - قىتاي، لاتىن امەريكا جانە وڭتۇستىك- شىعىس ازيا ەلدەرى. عالامدىق ەكونوميكا وسى مەملەكەتتەردىڭ ءال- اۋقاتىنا تاۋەلدى بولماق.
سونداي- اق 50 جىلدان كەيىن 5 ميلليارد ادامنىڭ تۇرمىسى كەدەيشىلىك شەگىنەن جوعارى بولادى. ال شاعىن جانە ورتا بيزنەس سۋبەكتىلەرى ءىرى ءوندىرىس وشاقتارىنا لايىقتى باسەكە جاساي الادى. الەمنىڭ بەلدى ساراپشىلارى بۇگىن وسىنداي بولجامدار جاسادى.
ريچارد دوببس، McKinsey Global Institute ديرەكتورى:
- وسىدان 50 جىل بۇرىن تەحنيكانىڭ وسىنشاما وزىق داميتىنىنا ەشكىم سەنگەن جوق. بولاشاقتا سەرپىندى تەحنولوگيالاردىڭ دامۋى حالىقتىڭ تەز قارتايۋىنا، جۇمىسسىزدىققا اكەلەدى. XXI عاسىردىڭ ورتاسىندا جۇمىس كۇشى 1 ميلليونعا دەيىن ازايادى. ۋربانيزاتسيا كۇشتى داميدى. قازىردىڭ وزىندە جىل سايىن 7 جاڭا چيكاگو پايدا بولىپ جاتىر.
www.24.kz
