ساف التىن وندىرەتىن كاسىپورىن ۇلتتىق قوردىڭ قورجىنىن تولتىرۋدا
يندۋستريالاندىرۋ باعدارلاماسى بويىنشا ىسكە قوسىلعان بۇل فابريكا تولىق وندىرىستىك قۋاتىنا كوشكەندە جىلىنا 3 تونناعا دەيىن باعالى مەتالل وندىرۋگە قاۋقارلى.
تاۋداعى كەندى قوپارىپ، تاستى بورشا ۇگىتۋ وڭاي شارۋا ەمەس. مامانداردىڭ ايتۋىنشا، قيىرشىق تاستاردان 1 گرام التىندى اجىراتىپ الۋ ءۇشىن جارتى توننادان استام كەندى وڭدەۋ قاجەت. سول سەبەپتى كاسىپورىن تولىقتاي زاماناۋي ۇلگىدە جاراقتاندىرىلعان. باياعىداي الىپ كولىكتەر شاڭدى اسپانعا شىعارىپ كەن تاسىمايدى. ۇنتاقتاۋ كەشەنىنەن ءار ساعات سايىن 300 تونناعا جۋىق كەن كونۆەر ارقىلى تىكەلەي فابريكاعا كەلىپ تۇسەدى. وسى جەردە دايىن ءونىم الىنادى.
قۇنى 21 ميلليارد تەڭگە تۇراتىن عالامات جوبا ەلىمىزدىڭ يندۋستريالاندىرۋ باعدارلاماسى اياسىندا جۇزەگە اسقان. ايتا كەتۋ كەرەك، وبلىس ورتالىعىنان جىراقتا جاتقان اقتوعاي اۋدانىندا بۇرىن- سوڭدى مۇنداي الىپ ءوندىرىس بولعان ەمەس. تىڭ جوبا جەرگىلىكتى تۇرعىنداردىڭ جاپپاي ەڭبەككە تارتىلۋىنا جول اشتى. جاقىن ماڭداعى اۋىل- ايماقتان 600 ادام جۇمىسقا ورنالاستى.
كاسىپورىن تولىق وندىرىستىك قۋاتىنا شىققان كەزدە جىلىنا 3 تونناعا دەيىن ساف التىن وندىرە الادى. ال 6-اي ىشىندە فابريكا 700 كەلىدەن استام باعالى مەتالدى استاناداعى اففيناج زاۋىتىنا جىبەرگەن. ءسويتىپ ۇلتتىق قوردىڭ قورجىنىن تولتىرىپ جاتىر. ماماندار مۇنداعى كەن قورىنىڭ 10 جىلعا جەتەتىنىن ايتادى. ءبىراق گەولوگيالىق بارلاۋ جۇمىستارى ءالى دە جۇرگىزىلىپ جاتىر.
