15:22, 24 - مامىر 2015 | GMT +5
ءتىلىن تاپساڭ، اڭ پاتشاسى - ارىستاندى دا بيلەتۋگە بولادى
استانا. قازاقپارات- اڭ پاتشاسى ارىستانعا بيلەۋدى ۇيرەتكەن سەرى جىگىت ۆلاديسلاۆ گونچاروۆ شىمكەنتكە سيركپەن كەلدى. الەمگە اتاقتى اڭ ۇيرەتۋشى قالا تۇرعىندارى ءۇشىن ونعا جۋىق ارىستانمەن ساحناعا شىعىپ، تاڭ قالدىراتىن قويىلىم كورسەتپەك.
23 - مامىردان باستالاتىن سيركتە سىزدەر سەكسەن ءتۇرلى اڭ مەن قۇستىڭ ونەرىن تاماشالاي الاسىزدار.
جۇرەك جۇتقان ۆلاديسلاۆ گونچاروۆتىڭ الەمگە ايگىلى قويىلىمدارىن سىزدەر ەندى «وڭتۇستىك سيركتەن» تاماشالاي الاسىزدار. قالا تۇرعىندارى ءۇشىن اڭ ۇيرەتۋشى ون ارىستاندى ساحاناعا شىعارىپ، تاڭ قالدىراتىن قويىلىم كورسەتپەك.
اڭ پاتشاسىمەن بىرگە وتكىزىلەتىن ءار قويىلىم ۆلاديسلاۆتىڭ جىگەرىن ارتتىراتىنداي. سونداي- اق ماسكەۋدەن كەلگەن سيرك ارتىستەرى قولتىراۋىن، ءىرى جىلان، قونجىقتار سىندى سەكسەن ءتۇرلى اڭ مەن قۇستىڭ قاتىسۋىمەن كەرەمەت قويىلىم دايىنداپ جاتىر. قوناقتارعا كوتەرىڭكى كوڭىل- كۇي سىيلايتىن جانۋارلاردىڭ باسىم بولىگى تابيعاتتا سيرەك كەزدەسەتىن تىرشىلىك يەلەرى. ەڭ باستىسى - ءار ءنومىر قىزىققا تولى.
