قىتايدا وتكەن فورۋمدا قازاقستانداعى مول مۇمكىندىك تانىستىرىلدى- فوتو

 بەيجىڭ- شيان. قازاقپارات - ءشانشي پروۆينتسياسى شيان قالاسىندا وتكەن «جىبەك جولى ەكونوميكالىق بەلدەۋىندەگى» ينۆەستيتسيالىق ساياسات ماسەلەلەرى بويىنشا كونفەرەنسيادا قازاقستاننىڭ تارتىمدى فاكتورلارى تانىستىرىلدى.

تانىستىرىلىمدى ق ر ينۆەستيتسيالار جانە دامۋ مينيسترلىگىنىڭ «KAZNEX INVEST» ەكسپورت جانە ينۆەستيتسيا بويىنشا ۇلتتىق اگەنتتىگى» ا ق- نىڭ ق ح ر- داعى وكىلى قايرات كەرىموۆ وتكىزدى.

 ول قىسقاشا قازاقستاننىڭ تابيعي رەسۋرستارى، ساياسي تۇراقتىلىعى مەن قولايلى ينۆەستيتسيالىق جاعدايى، ەكونوميكانىڭ باسىم سەكتورلارى (مەتاللۋرگيا، حيميالىق جانە مۇناي حيميالىق ونەركاسىپ، ماشينا جاساۋ، قۇرىلىس ماتەريالدارىنىڭ ءوندىرىسى، ازىق- تۇلىك ونەركاسىبى)، ينۆەستيتسيالىق ىنتالاندىرۋ، ارنايى ەكونوميكالىق ايماقتار مەن ق ر- داعى كولىك- لوگيستيكالىق ينفراقۇرىلىمدار جونىندە باياندادى.

 شاراعا شانشي پروۆينتسياسىنىڭ باسشىلارى، قىرعىزستان، گرۋزيا، وزبەكستان، سونىمەن قاتار قىتايلىق كاسىپكەرلىك جانە قارجى- بانك ورتاسىنىڭ وكىلدەرى - بارلىعى 400 ادام قاتىستى.

بۇل فورۋم 19- قىتاي ينۆەستيتسيالىق- ساۋدا كورمەسى مەن «جىبەك جولى» حالىقارالىق جارمەڭكەسى اياسىندا ءوتتى.