12:12, 24 - مامىر 2015 | GMT +5
قازاقستاندىق دەسانتشىلار، ۇشقىشتار مەن شەكاراشىلار بىرلەسكەن وقۋ- جاتتىعۋلار وتكىزەدى - فوتو
استانا. قازاقپارات - الماتى وبلىسى يزەندى پوليگونىندا بەس كۇن ىشىندە ايەروموبيلدى اسكەرلەردىڭ، اۋە قورعانىسى كۇشتەرى (اۆياتسيا) جانە ق ر ۇ ق ك شەكارا قىزمەتىنىڭ اسكەري قىزمەتشىلەرى جاۋىنگەرلىك دابىل كەزىندە ءۇش ماقساتتى ءوزارا ءىس- قيمىل الگوريتمىن پىسىقتايدى،
دەپ حابارلادى ق ر قورعانىس مينيسترلىگىنىڭ باسپا ءسوز قىزمەتىنەن.
«دەسانتشىلار جەردەگى احۋالدى باقىلايدى، ۇشقىشتار اۋەدەگى جاعدايدى قاداعالايدى، شەكاراشىلار كۇزەتىلەتىن اۋماقتاردىڭ قاۋىپسىزدىگى مەن قول سۇعىلماۋىن قامتاماسىز ەتەدى. ورتاق جاۋىنگەرلىك مىندەتتى ءساتتى ورىنداۋ ءۇشىن بارلىق ءۇش بولىمشەگە وزدەرىنىڭ مانيەۆرىن ءبىلىپ قانا قويماي، ءبىر- بىرىمەن تۇراقتى بايلانىستى ورناتا ءبىلۋ، اسكەرلەردىڭ بىرىككەن قولدانىلۋىنىڭ وڭتايلى تاسىلدەرىن تابا الۋ قاجەت»، - دەلىنگەن حابارلامادا.
وقۋ- جاتتىعۋ 25 - مامىردا باستالادى. اسكەري قىزمەتشىلەر وزدەرىنىڭ ۇدايى ورنالاسۋ ورىندارىنان كەتەدى جانە جاياۋ ءجۇرىس تارتىبىندە تولىق جاۋىنگەرلىك جاراقتارىمەن پوليگونعا اتتانادى. وقۋ- جاتتىعۋدىڭ بەلسەندى كەزەڭى 28 - مامىردا وتەدى.
