مەملەكەتتىك قىزمەتكەرلەردى اتتەستاتتاۋدان وتكىزۋ بويىنشا ۇيىمداستىرۋ جۇمىستارى جۇرگىزىلۋدە - سايان احمەتجانوۆ
بۇل تۋرالى «قازاقپارات» اگەنتتىگىنىڭ رەسمي ساۋالىنا بەرگەن جاۋابىندا ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى ءتوراعاسىنىڭ ورىنباسارى سايان احمەتجانوۆ حابارلادى.
«مەملەكەت باسشىسىنىڭ بەرگەن تاپسىرمالارىنىڭ ءبىرى - مەملەكەتتىك قىزمەتشىلەردىڭ كەزەكتەن تىس اتتەستاتتاۋ ماسەلەسى. قازىرگى كۇنى اگەنتتىكپەن بارلىق دەڭگەيدەگى مەملەكەتتىك قىزمەتشىلەردىڭ كاسىبي دايارلىق دەڭگەيىن جانە ولاردىڭ لاۋازىمدىق مىندەتتەردى ورىنداۋ قابىلەتىن ايقىنداۋ ماقساتىندا كەزەكتەن تىس اتتەستاتتاۋ شارالارىن وتكىزۋ بويىنشا ۇيىمداستىرۋ شارالارى جۇرگىزىلىپ جاتىر»، - دەيدى س. احمەتجانوۆ.
دەگەنمەن، ونىڭ سوزىنە قاراعاندا، اتتەستاتتاۋدىڭ وتەتىن مەرزىمى ءالى بەلگىسىز.
«مەملەكەتتىك قىزمەتشىلەردى اتتەستاتتاۋدىڭ ۋاقىتى مەن كەزەڭدەرىنە كەلەتىن بولساق، ول تۋرالى ناقتى ايتۋ ءالى ەرتە، سەبەبى قولدانىستاعى «مەملەكەتتىك قىزمەت تۋرالى» زاڭعا ءتيىستى تۇزەتۋلەر ەنگىزىلىپ، قاجەتتى قۇقىقتىق- نورماتيۆتىك بازا قابىلدانۋى كەرەك. جالپى بۇل شارالاردى ۇستىمىزدەگى جىلدىڭ سوڭىنا دەيىن اياقتاۋ جوسپاردا بار»، دەلىنگەن ونىڭ جاۋابىندا.
11 - ناۋرىزدا «نۇر وتان» پارتياسىنىڭ كەزەكتى XVI سيەزى بارىسىندا ەلباسى نۇرسۇلتان نازاربايەۆ قازاقستانداعى مەملەكەتتىك قىزمەتتىڭ تولىق جاڭارۋىنا قاتىستى ءبىرقاتار ناقتى تاپسىرمالار بەرگەن بولاتىن. ونىڭ ىشىندە، ق ر پرەزيدەنتى سيەز وتىرىسىندا مەملەكەتتىك قىزمەتكەرلەردىڭ بارلىق دەڭگەيلەرىندە اتتەستاتسيا وتكىزۋدى تاپسىرعان.
اۆتور: جاسۇلان جولدىبايەۆ
