الەۋمەتتىك جەلىلەردە وليمپيادا چەمپيونى يليا يليندى تۋعان كۇنىمەن قۇتتىقتاۋدا
قازاقستاندىقتار الەۋمەتتىك جەلىلەردە سپورتشىنى تۋعان كۇنىمەن قۇتتىقتاۋدا.
ق ر پارلامەنتى ءماجىلىسىنىڭ دەپۋتاتى مۇحتار تىنىكەيەۆ فەيسبۋك الەۋمەتتىك جەلىسىندەگى پاراقشاسىندا «قىمباتتى يليا! ءوزىڭدى تۋعان كۇنىڭمەن قۇتتىقتاپ، تەمىردەي مىقتى دەنساۋلىق، بولاتتاي مىقتى تاباندىلىق پەن وتباسىلىق بەرەكە، تابىس تىلەۋگە رۇقسات ەت!»، - دەپ جازسا، باقىت سىزدىقوۆا «تۋعان كۇنىڭمەن، جەڭىمپاز!!!» ، دەپ لەبىزىن بىلدىرگەن.
يليا يلين 1988 - جىلدىڭ 24 - مامىرىندا قىزىلوردا قالاسىندا دۇنيەگە كەلگەن. وتباسىندا ءۇش ۇل بالانىڭ كەنجەسى. سپورتزالعا العاشقى رەت 6 جاسىندا ۇلكەن اعاسى اندرەيگە ەرىپ كەلدى. اعاسى بوكستان قازاقستان بىرىنشىلىگىندە بىرنەشە رەت جەڭىمپاز اتانعان سپورتشى بولاتىن.
بالالىق قىزىعۋشىلىقپەن اۋىر تەمىرلەردى كوتەرۋدى ۇيرەندى. ارنايى سەكسيادا جاتتىعۋدى 8 جاسىنان باستادى. العاشقى باپكەرى ۆيلوريي پاك بولاتىن.
قازاقستاندىق تۇڭعىش وليمپيادا ويىندارىنىڭ ەكى دۇركىن چەمپيونى (2008, 2012)، الەمنىڭ ءتورت دۇركىن چەمپيونى (2005, 2006, 2011) جانە قازاقستان چەمپيونى. قازاقستاننىڭ ەڭبەك سىڭىرگەن سپورت شەبەرى. «دينامو» سپورت كلۋبىنىڭ قۇرامىندا ونەر كورسەتەدى. قازاقستان رەسپۋبليكاسى ۇلتتىق قاۋىپسىزدىك كوميتەتى شەكارا قىزمەتىنىڭ اعا لەيتەنانتى.
