ەلباسى ازەربايجان پرەزيدەنتىن رەسپۋبليكا كۇنىمەن قۇتتىقتادى
بۇل تۋرالى ءا ر پرەزيدەنتىنىڭ رەسمي سايتىندا حابارلانعان.
«ۇلتتىق مەيرامدارىڭىز - رەسپۋبليكا كۇنىنە وراي مەنىڭ شىن جۇرەكتەن قۇتتىقتاۋىمدى قابىل الىڭىزدار. قازاقستان باۋىرلاس ازەربايجان ەلىمەن قارىم- قاتىناستارىنىڭ دامۋىنا ەرەكشە ءمان بەرەدى. وعان ەكى مەملەكەتتىڭ اراسىنداعى ساياسي، ساۋدا- ەكونوميكالىق جانە مادەني- گۋمانيتارلىق بايلانىستاردىڭ ارتا ءتۇسۋى دالەل بولىپ تابىلادى. ءبىزدىڭ ەلدەرىمىزدىڭ اراسىنداعى دوستىق پەن ءوزارا سىيلاستىققا نەگىزدەلگەن كونسترۋكتيۆتى جانە كوپ جوسپارلى قارىم- قاتىناستاردىڭ باۋىرلاس حالىقتاردىڭ يگىلىگىنە ودان ءارى دامي بەرەتىنىنە نىق سەنىمدەمىن. وسى مۇمكىندىكتى پايدالانا وتىرىپ، سىزگە، قۇرمەتتى يلحام گەيدار وعلۋ، مىقتى دەنساۋلىق، ءوز قىزمەتىڭىزدە جاڭا تابىستار، ال باۋىرلاس ازەربايجان حالقىنا - بەيبىتشىلىك پەن جاسامپازدىق تىلەيمىن»، - دەلىنگەن قۇتتىقتاۋ ماتىنىندە.
