بوكسشىسى م.نۇرسۇلتانوۆ رەسەيلىك س.سيديكوۆتى ايقىن باسىمدىقپەن ۇتتى
تورەشىلەردىڭ 50:45، 50:45، 49:46 ەسەبىمەن م.نۇرسۇلتانوۆ رەسەيلىك قارسىلاسىنان باسىم ءتۇستى. بۇگىنگى كۇننىڭ سوڭعى جەكپە-جەگى ۆاسيلي ليەۆيت پەن ۆيتاليي كۋدۋحوۆ اراسىندا وتەدى.
ايتا كەتەيىك، ەلورداداعى «داۋلەت» سپورت كەشەنىندە بۇكىل الەمدىك بوكس سەرياسى (WSB) جوباسىنىڭ بەسىنشى ماۋسىمىنىڭ جارتىلاي فينالىندا «استانا ارلاندارى» مەن رەسەيدىڭ «راشن بوكسين تيم» كومانداسى اراسىنداعى كەزدەسۋ وتۋدە. بۇگىن 5 جۇپ جۇدىرىقتاسادى.
ەكى كوماندا اراسىنداعى قالعان سالماق ساناتىنداعى بوكسشىلاردىڭ جەكپە-جەگى ەرتەڭ وتەدى.
بۇل كۇنى شارشى الاڭدا ولجاس ساتتىبايەۆ پەن كارەن ارۋتيۋنيان (52 كەلى)، زاكير سافيۋللين مەن ارتۋر سۋبحانكۋلوۆ (60 كەلى)، نۇرداۋلەت جارمانوۆ پەن يەدۋارد ياكۋشيەۆ (81 كەلى)، ەركىن مۇحامەدجان مەن دميتريي زايتسيەۆ (91 كەلىدەن جوعارى) ايقاساتىن بولادى. ال 69 كەلى سالماق ساناتىندا ەل نامىسىن اسلانبەك شىمبەرگەنوۆ قورعاپ، رەسەيلىك ياكۋب نۋرييەۆپەن جۇدىرىق ءتۇيىستىرۋى ءتيىس ەدى. ءبىراق جاتتىقتىرۋشىلار ونىڭ ورنىنا دانيار ەلەۋسىنوۆتى شىعارۋ تۋرالى شەشىم قابىلدادى.
اۆتور: مارلان جيەمباي
