بوكس: ۆاسيلي ليەۆيت پەن رەسەي كومانداسىنىڭ مۇشەسى ۆيتالي كۋدۋحوۆ جۇدىرىق ءتۇيىستىردئ
كەزدەسۋ بارىنشا تارتىستى ءوتتى. ۆيتالي بارىن سالدى. باستاپقى ەكى راۋندتا ول باسىمدىعىن تانىتتى. ءۇشىنشى راۋندتا دا بار كۇشىن ايامادى. وسى كەزەڭدە قازاقستاندىق قارسىلاسىن شىنتاعىمەن قاعىپ جىبەرگەن رەسەيلىك رينگ تورەشىسىنەن ەسكەرتۋ العان ەدى. ءدال وسىنداي كەلەڭسىز جايت ءتورتىنشى راۋندتا تاعى قايتالاندى. وسىدان كەيىن تورەشى جەكپە-جەكتى توقتاتىپ، جەڭىستى قازاقستان بوكسشىسىنا بەردى.
ايتا كەتەيىك، ەكى كوماندا اراسىنداعى قالعان 5 جۇپ سالماق ساناتىنداعى بوكسشىلاردىڭ جەكپە-جەگى ەرتەڭ ەلورداداعى «داۋلەت» سپورت كەشەنىندە وتەدى. سول كۇنى شارشى الاڭدا ولجاس ساتتىبايەۆ پەن كارەن ارۋتيۋنيان (52 كەلى)، زاكير سافيۋللين مەن ارتۋر سۋبحانكۋلوۆ (60 كەلى)، نۇرداۋلەت جارمانوۆ پەن يەدۋارد ياكۋشيەۆ (81 كەلى)، ەركىن مۇحامەدجان مەن دميتريي زايتسيەۆ (91 كەلىدەن جوعارى) ايقاساتىن بولادى. ال 69 كەلى سالماق ساناتىندا ەل نامىسىن اسلانبەك شىمبەرگەنوۆ قورعاپ، رەسەيلىك ياكۋب نۋرييەۆپەن جۇدىرىق ءتۇيىستىرۋى ءتيىس ەدى. ءبىراق جاتتىقتىرۋشىلار ونىڭ ورنىنا دانيار ەلەۋسىنوۆتى شىعارۋ تۋرالى شەشىم قابىلدادى.
اۆتور: مارلان جيەمباي
