ماسكەۋدى مويىنداتقان ازيالىق ارۋلار - فوتو
تانمىل ءارتىس راۆشانا كۋركوۆا
تانمىل ءارتىس راۆشانا كۋركوۆا تاشكەنتتە ارتىستەر وتباسىندا دۇنيەگە كەلگەن. ونىڭ اكەسى باحرام ماتچانوۆ مارك ۆايلدىڭ تانىمال «يلحوم» تەاترىندا ونەر كورسەتكەن.
راۆشانا 12 جاسىندا وزبەك رەجيسسەرى راشيد ماليكوۆتىڭ «تاينا پاپوروتنيكوۆ» فيلمىنە تۇسەدى.
ماسكەۋگە 17 جاسىندا كەلىپ، «وستانكينودا» گريمەرلىك جۇمىستان مانسابىن باستاعان ارۋ بىرتىندەپ فيلمدەردە رولدەردى سومداي باستايدى.
ليندا، كەنتاۋ
90-جىلدارى تانىمال بولعان ءانشى ليندا وڭتۇستىك قازاقستان وبلىسىنىڭ كەنتاۋ قالاسىندا دۇنيەگە كەلگەن. ونىڭ شىن ەسىمى - سۆەتلانا گەيمان.
تۋىستارى سۆەتلانانى كىشكەنتاي كەزىنەن يۆريت تىلىنەن «كۇن» ماعىناسىن بەرەتىن لەيبلا، لەيبەلا نەمەسە لينا دەپ اتايتىن.
ءانشى ماسكەۋگە 15 جاسىندا كەلدى. ول جەردە ليندا تەاترعا اۋەستەنىپ، حالىق اندەرىن ايتۋمەن بولدى. گنەسينسكي ۋچيليشەسىنىڭ ۆوكالدىق ءبولىمىن ۇزدىك ءبىتىردى. رەسەيلىك شوۋ-بيزنەستە پروديۋسەر ماكس فادەيەۆپەن كەزدەسكەن كەزىنەن تانىمالدىلىققا يە بولدى.
سيەۆارا نازارحان، ءاندىجان
تانىمال وزبەك فولك - ءانشىسى سيەۆارا نازارحان ءاندىجاندا دۇنيەگە كەلگەن. وزبەكستاننىڭ مەملەكەتتىك كونسەرۆاتورياسىندا ءبىلىم العان.
ماسكەۋدى ونەرىمەن باعىندىرماس بۇرىن ءانشى حالىقارالىق ساحنادا تانىمال بولادى. ول اعىلشىن مۋزىكانتى پيتەر گەبريەلمەن بىرگە لوندوندا البومىن جارىققا شىعارىپ، BBC World Music Awards نۇسقاسى بويىنشا ازيانىڭ ەڭ ۇزدىك ءانشىسى اتانادى.
2012-جىلى سيەۆارا «ءبىرىنشى ارنادا گولوس» بايقاۋىنا قاتىسىپ رەسەيلىكتەردىڭ نازارىنا ىلىگەدى.
ۋليانا سەرگەەنكو، وسكەمەن
رەسەيدەگى ەڭ تانىمال ديزاينەرلەردىڭ ءبىرى ۋليانا سەرگەەنكو شىعىس قازاقستاننىڭ وسكەمەن قالاسىندا دۇنيەگە كەلگەن.
15 جاسىندا سانكت-پەتەربۋرگكە وتباسىمەن كوشىپ، كەيىن ماسكەۋگە كەلەدى. ديزاينەردىڭ تۋىندىلارى ماسكەۋمەن قوسا ءپاريجدى دە باعىندىرادى.
ۋليانا مانسابىن ماسۋكەۋدە جالعاستىرعانىمەن، تۋعان ەلىن ءوز تۋىندىلارى ارقىلى دارىپتەپ وتىرادى.
گۇلجان مولداجانوۆا، الماتى
بۇل حانىمدى رەسەيدەگى اۋقاتتى قازاق دەپ اتايدى. 2012-جىلى رەسەيلىك Forbes ونى «ەڭ قالتالى رەسەيلىك ت و پ- مەنەدجەرلەر» رەيتينگىسىندە 23- ورىنعا قويدى. «بازوۆىي ەلەمەنت» كومپانياسىنىڭ باس ديرەكتورى ميللياردەر ولەگ دەريپاسكانىڭ اكتيۆتەرىن باسقارادى. ونىڭ قولاستىندا ون مىڭداعان جۇمىسكەر قىزمەت ەتەدى.
گۇلجان الماتىدا دۇنيەگە كەلگەن. قازۇۋ-دە فيزيكا سالاسىن مەڭگەرىپ ماسكەۋگە وقۋعا تۇسەدى. ماسكەۋ مەملەكەتتىك ۋنيۆەرسيتەتىندە بىرگە وقىعان ولەگ دەريپاسكامەن قارىم-قاتىناس ورناتادى. مانسابىن حاتشىلىقتان باستاعان گۇلجان قازىردە رەسەيدىڭ ەڭ اۋقاتتى ايەلدەرى قاتارىندا.
نارگيز زاكيروۆا، تاشكەنت
تانىمال روك-فولك ءانشى تاشكەنتتە زاكيروۆتار وتباسىندا دۇنيەگە كەلگەن.
نارگيز 4 جاسىنان ساحناعا شىعىپ، 1995-جىلى امەريكاعا كەتەدى. 2013-جىلى ماسكەۋگە كەلىپ، «گولوس» جوباسىندا باعىن سىنايدى.
لەونيد اگۋتيننىڭ قولداۋىمەن فينالدا 2- ورىندى الادى. پروديۋسەر ماكسيم فادەيەۆپەن بىرگە اندەر جازىپ، تانىمال بولادى.
لەرا كۋدرياۆتسيەۆا، وسكەمەن
تانىمال تەلەجۇرگىزۋشى وسكەمەندە عالىمدار وتباسىندا دۇنيەگە كەلگەن.
ماسكەۋگە 16 جاسىندا كوشىپ، ت ۆ-6 ارناسىنىڭ كاستينگىسىنە قاتىسادى.
ونى تەلەجۇرگىزۋشىلىككە ەرەكشە كەلبەتى ءۇشىن تاڭداپ الادى.
ليندا نىعماتۋلينا، الماتى
80-جىلداردىڭ تانىمال ءارتىسى تالعات نىعماتۋليننىڭ قىزى. 3 جاسىنان قازاق كينو ونەرىنە كەلگەن ليندا 10 جىل بۇرىن ماسكەۋگە كوشىپ، سول جەردە تەلەحيكايالار مەن فيلمدەرگە تۇسە باستايدى.
جاقىندا پروديۋسەر فەدور بوندارچۋكتىڭ اتاقتى «ۆىچيسليتەل»فيلمىندە ءرول سومدادى.
ونىمەن بىرگە ەۆگەني ميرونوۆ، اننا چيپوۆسكايا، ۆينني دجونس تۇسىرىلىمگە قاتىستى.
سۆەتلانا نازارەنكو، بىشكەك
تانىمال «گورود 312» توبىنىڭ ءانشىسى سۆەتلانا نازارەنكو كوپشىلىككە ايا ەسىمىمەن بەلگىلى.
بىشكەكتە دۇنيەگە كەلگەن ءانشى توبىنىڭ اتىنا بىشكەكتىڭ تەلەفون كودىن تاڭدايدى.
رەسەيدە تانىمال بولۋى ءۇشىن سۆەتلانا 5 جىلىن جۇمسادى.
راۋشان قاناپيانوۆا، اقمولا وبلىسى
رەسەيلىك ساياسي ەليتادا تانىمال جالعىز قازاق حانىمى راۋشان قاناپيانوۆا شىڭعىسحاننىڭ تىكەلەي ۇرپاعى سانالادى.
ماسكەۋدە ءوز پارتيالىق جەلىسىن اشقان راۋشان ساياسي مانسابىن توقتاتپايدى. بۇگىنگى كۇندە قاناپيانوۆا قوعامدىق وقىتۋشىلىق قىزمەت اتقارادى. ماسكەۋ بيلىگى تۇسىنداعى ۇلتتار ءىسى بويىنشا كەڭەس پرەزيديۋىمىنىڭ مۇشەسى.
Nur.kz
