رەسەيدە ءۇش بانك «يۆولگا-حولدينگ» قازاقستاندىق اگروكومپانيانىڭ مۇلكى ءۇشىن داۋلاسۋدا
2015-جىلدىڭ مامىرىندا چەليابى وبلىسىنىڭ تورەلىك سوتىنا «يۆولگا» قۇرىلىمدارىنان $296,6 ميلليون كولەمىندەگى قارىزدى وتەۋ بويىنشا جۇگىنگەن. نەسيەلىك جەلى 2007-جىلى اشىلعان. بۇلشاعىم بويىنشا سوت 38 ميلليون دوللارعا چەليابى، كۋرسك، ورىنبور وبلىستارىنداعى اگروحولدينگتىڭ كاسىپورىندارىنا تىيىم سالعان.
روسسەلحوزبانك، «يۆولگا» بورىشىن 139,4 ميلليون رۋبلگە باعالاپ وتىر. تورەلىك سوتقا حولدينگتىڭ باستى «يۆولگا-تسەنتر» كومپانياسىنان جانە ونىڭ وندىرىستىك اكتيۆتەرىنەن قارىزدى ءوندىرۋ بويىنشا شاعىمدانعان.
كۋرسك وبلىسىنىڭ تورەلىك سوتى «يۆولگا» قۇرىلىمدارىنا قاتىستى سبەربانكتىڭ جازعان ارىزىن دا قاراستىرىپ جاتىر. سوت «ساحار زولوتۋحينو» جانە «زولوتۋحينسكوە اگرووبەدينەنيە» كاسىپورىندارىندا ۋاقىتشا باقىلاۋ جۇرگىزۋدە. سبەربانك الدىنداعى قارىزىنىڭ جالپى قۇنى 1,1 ميلليارد رۋبلدى قۇرايدى. سبەربانك سوتتان اگروحولدينگتىڭ وزگە دە ءبىرقاتار قۇرىلىمدارىن بانكروت دەپ شەشۋىن سۇرادى. سبەربانك قازاقستان ازاماتى ۆاسيلي سامويلوۆيچ روزينوۆقا قاتىستى دا شاعىم جاسادى.
قازاقستاندىق «يۆولگا-حولدينگ» ج ش س باس ديرەكتورى جانە يەسى ۆاسيليي روزينوۆ Forbes نۇسقاسى بويىنشا قازاقستانداعى ەڭ باي ادامداردىڭ اراسىندا 19- ورىندا. ونىڭ داۋلەتى $329 ميلليون باعالاندى.
BELF كونسالتينگ كومپانياسىنىڭ باسقارۋشى ديرەكتورى ۆلاديسلاۆ نوۆوسەلوۆ حولدينگتىڭ رەسەيدەگى چەليابى، كۋرسك، ورىنبور وبلىستارىنداعى جەرىن 550 مىڭ گ ا اۋماققا باعالاپ وتىر. بۇل كورسەتكىش بويىنشا كومپانيا رەسەيدە 2-ورىندا.
كومپانيا تۋرالى اشىق اقپارات جوق. ويتكەنى ونىڭ اقپاراتتىق ساياساتى جابىق بولىپ تابىلادى.
قازاقستاندىق «يۆولگا-حولدينگتىڭ» رەسمي سايتى قالىپقا كەلتىرىلۋدە، كۋرسك وبلىسىنداعى قۇرىلىمنىڭ مەنەدجمەنتىمەن بايلانىس ورناتۋ ازىرگە مۇمكىن ەمەس. سبەربانك پەن Royal bank of Scotland ت ا س س- تىڭ اكتيۆتەردى ساتىپ الاتىندار تابىلدى ما دەگەن سۇراعىنا جاۋاپ بەرمەدى.
كۋرسك وبلىسىنداعى كومپانيانىڭ قانت ءوسىرۋ باعىتىنىڭ دامۋ مۇمكىندىكتەرى بار، دەپ اتاپ ءوتتى سويۋزروسساحار باسشىسى اندرەي بودين. ونىڭ پىكىرىنشە قازاقستاندا ورنالاسقان باس كومپانيانىڭ جاعدايى مۇشكىل.
رەسەيلىك «يۆولگا-تسەنتر» قۇرىلىمىنا 40 تان استام كاسىپورىن كىرەدى، دەلىنگەن كومپانيانىڭ سايتىندا. كومپانيا قىزمەتىنىڭ نەگىزگى باعىتتارى ەگىنشىلىك، مال شارۋاشىلىعى، اۋىل شارۋاشىلىق ونىمدەرىن وڭدەۋ جانە ازىق-تۇلىك ءوندىرىسى. ونىڭ قۇرامىنا ا ن-215 ۇشاعى بار «ا ۆ ي ا ح ي م» اۆياكومپانياسى كىرەدى.
