بيىلعى «قازاقستان داۋىسى» مەگاجوباسىنىڭ باس جۇلدەسى ءۇشىن باق سىناۋعا شاقىرادى
ىرىكتەۋ شارالارى ەلىمىزدىڭ باتىسى مەن شىعىسىندا، سولتۇستىگى مەن وڭتۇستىگىندە وتەدى. 1-9 مامىردا - اقتاۋ، 21- مامىردا - سەمەي قالالارىندا ىرىكتەۋ كەزەڭدەرى ءوتتى. بۇل تۋرالى «قازاقستان» ر ت ر ك باسپا ءسوز قىزمەتى حابارلادى.
ال بۇگىن، 23- مامىردا استانا قالاسىنداعى ىرىكتەۋ كەزەڭ «Ramada plaza» ءقوناقۇيىنىڭ عيماراتىندا، الماتى قالاسىندا 28-29- مامىردا ءال-فارابي داڭعىلى، 176 مەكەن-جايىندا ورنالاسقان «قازاق فيلم» كينوستۋدياسى عيماراتىندا وتكىزىلەدى. باس جۇلدە - 5 ميلليون تەڭگە. جوباعا 18 بەن 50 جاس ارالىعىنداعى ورىنداۋشىلار قاتىسا الادى.
اتالعان جوبانىڭ وزگە بايقاۋلاردان ەرەكشەلىگى، بۇل بايقاۋ قاتىسۋشىلاردىڭ تەك داۋىسقا سۇيەنىپ، باق سىنايتىندىعى. ەلىمىزدىڭ تانىمال جۇلدىزدارى العاشقى تىڭداۋ سىناعىندا جۇزدەن استام قاتىسۋشىلاردىڭ ىشىنەن ۇزدىكتەرىن تاڭداپ، ءتورت كوماندا قۇرايتىن بولادى. اقتىق مارەگە ءتورت ۇمىتكەر قاتىسادى، ولاردىڭ ىشىنەن ۇزدىك ورىنداۋشى SMS- داۋىس بەرۋ ارقىلى انىقتالادى.
فينالعا دەيىنگى ءار ءبىر كەزەڭدە ۇمىتكەرلەر كاسىبي كوماندا تالىمگەرىنەن ساباق الادى. تالانتى مەن تالىمگەردەن العان ءبىلىمىنىڭ ارقاسىندا العا وزعان ۇمىتكەر جەڭىمپاز اتانارى ءسوزسىز.
بۇل جوبا The Voice of Holland (نيدەرلاندى) نەمەسە «گولوس» ءتۇپ نۇسقالىق فورماتىنىڭ قازاقستاندىق نۇسقاسى، 2013-جىلدىڭ جازىندا باستالدى. «قازاقستان داۋىسى» جوباسىنىڭ العاشقى ماۋسىمىنىڭ جەڭىمپازى - قوستاناي وبلىسىنىڭ تۋماسى 27 جاستاعى شاحاريزات سەيداحمەت. ورىنداۋشىنىڭ تالىمگەرى - نۇرلان البان. كورەرمەندەردىڭ تاڭداۋى بويىنشا، «قازاقستان داۋىسى» تانىمال مۋزىكالىق جوبانىڭ ەكىنشى ماۋسىمىنىڭ جەڭىمپازى اتاعىنا جانە 5 ميلليون تەڭگەگە الماس كىشكەنبايەۆتىڭ توبىنداعى باۋىرجان رەتبايەۆ يە بولدى.
«قازاقستان داۋىسى» 3 كەزەڭنەن تۇرادى. ءبىرىنشى كەزەڭ - بارلىق قاتىسۋشىلاردى تىڭداۋ ارقىلى ءادىلقازىلاردىڭ ءارقايسىسى ءتورت توپ قۇرادى. ەكىنشى كەزەڭدە ءار ءتۇرلى توپتاردىڭ مۇشەلەرىنەن قۇرالعان جۇپتىق سايىس وتكىزىلەدى. ءۇشىنشى كەزەڭدە جەڭىمپازداردى حالىق SMS داۋىس بەرۋ ارقىلى انىقتايتىن بولادى.
تەلەجوباعا قاتىسىپ، باعىمدى سىنايمىن دەگەن ۇمىتكەرلەر الماتى قالاسىنداعى 77272506561+ تەلەفونى نەمەسە www.thevoice.kz سايتى ارقىلى تولىق اقپارات الۋىنا بولادى.
