ورالدا جازۋشى م. شۇيىنشالييەۆا وقىرماندارىمەن جۇزدەستى - فوتو

ورال. قازاقپارات - ع. قۇرمانعاليەۆ اتىنداعى ب ق و فيلارمونياسىنىڭ زالىندا پروزاشى، قازاقستان جازۋشىلار وداعىنىڭ مۇشەسى، بىرنەشە كىتاپتىڭ اۆتورى، جۋرناليست ميرا شۇيىنشاليەۆانىڭ «ءىنجۋ سوزگە ىڭكارلىك» اتتى وقىرماندارمەن كەزدەسۋ كەشى بولدى.

كەشتى جۇرگىزگەن ادەبيەتشى- عالىم، م. وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىنىڭ پروفەسسورى سەرىكقالي شاراباسوۆتىڭ اتاپ وتكەنىندەي، بوكەي ورداسى اۋدانىنان تۇلەپ ۇشىپ، ا. س. پۋشكين اتىنداعى ورال پەداگوگيكالىق ينستيتۋتىندا (قازىرگى م. وتەمىسوۆ اتىنداعى ب ق م ۋ) قاناتتانعان ميرا شۇيىنشاليەۆا سول كەزدە-اق شىعارماشىلىققا بەت بۇردى. ونىڭ قالامىنان ءار جىلدارى «ماحاببات باعى»، «شۇبەرەك قۋىرشاق»، «جۇرەكتەگى قۇپيا» اتتى پوۆەستەر مەن اڭگىمەلەر جيناقتارى جارىق كوردى. ال 2014-جىلى الماتى قالاسىنداعى «جازۋشى» باسپاسىنان شىققان «وكىنىش» اتتى كىتابى قازاقستان جازۋشىلار وداعىندا وتكەن بيىلعى ادەبي جىل قورىتىندىسىندا جاقسى باعالاندى.

ب ق و مادەنيەت، مۇراعاتتار جانە قۇجاتتاما باسقارماسىنىڭ باسشىسى داۋلەتكەرەي قۇسايىنوۆ وسىناۋ كەشتىڭ ءوڭىردىڭ ادەبي ومىرىندەگى ەلەۋلى وقيعا ەكەندىگىن جەتكىزسە، بەلگىلى اقىن، قازاقستان جازۋشىلار وداعى باسقارماسى ب ق و بولىمشەسىنىڭ ءتورايىمى اقۇشتاپ باقتىگەريەۆا قازاقتا پروزالىق تۋىندىلار جازاتىن قىزداردىڭ كوپ ەمەستىگىنە، وسىنداي قيىن مايداندا ميرا شۇيىنشاليەۆانىڭ وزىندىك جازۋ مانەرىمەن، بۇگىنگى كۇننىڭ شىندىعىن بەرە بىلۋىمەن ەرەكشەلەنەتىنىنە توقتالدى. سونداي-اق اقىن، قازاقستان جازۋشىلار وداعىنىڭ مۇشەسى عايساعالي سەيتاق، م. وتەمىسوۆ اتىنداعى ب ق م ۋ رەكتورى، پەداگوگيكا عىلىمدارىنىڭ دوكتورى اسحات يمانعاليەۆ جانە باسقالار قالامگەر تۋىندىلارىنا قاتىستى ءوز وي-تولعامدارىمەن ءبولىستى. كەش يەسىنىڭ شىعارمالارىنان ۇزىندىلەر، وعان ارنالعان ولەڭدەر وقىلدى.