عالىمدار: بالىق پەن تەڭىز ونىمدەرىن تاماققا پايدالانۋ ءومىردى ۇزارتادى
بۇدان باسقا، ولار ورتاشا ەسەپپەن العاندا 2,2 جىل ۇزاق ءومىر سۇرەدى. گارۆارد ۋنيۆەرسيتەتىنىڭ عالىمدارى وسىنداي قورىتىندىعا كەلىپ وتىر.
زەرتتەۋ اياسىندا ءبىر توپ ماماندار 65 جاس جانە ودان ەرەسەك امەريكاندىقتاردىڭ جۇرەك جانە قان تامىرلارىنا بايلانىستى دەنساۋلىق جاعدايى تۋرالى مالىمەتتەردى جيناپ، تالداعان. بۇل ءۇشىن 16 جىل ۋاقىت قاجەت بولدى. جوبا بارىسىندا ەرىكتىلەردىڭ قان قىسىمى ولشەنىپ، قاندارى تالداۋعا الىندى. ونىمەن ءبىر ۋاقىتتا كەيبىر شتاتتاردىڭ الەۋمەتتىك جانە مەديتسينالىق قىزمەتتەرى جۇرەك اۋرۋلارىنىڭ وقيعالارى مەن ولىمگە اپارعان سەبەپتەردى تىركەپ وتىردى.
عالىمدار بارلىق ەگدە جاستاعى امەريكاندىقتاردى شارتتى تۇردە ەكى توپقا - «قاراپايىم امەريكاندىقتار» جانە قان قۇرامىندا ومەگا-3 ماي قىشقىلدارىنىڭ جوعارى دەڭگەيى بار «بالىق جەۋدى جاقسى كورەتىندەر» دەپ بولگەن. ولاردىڭ اۋرۋلارى مەن ءومىر ۇزاقتىعىنىڭ ستاتيستيكاسى «بالىق جەۋدى جاقسى كورەتىندەردىڭ» جۇرەك-قان تامىرى اۋرۋلارىنا 30 پايىزعا سيرەك شالدىققانىن كورسەتتى. بۇدان باسقا، ولاردىڭ ينسۋلت، جۇرەك تالماسى جانە قان تامىرلارىنىڭ كەمىستىگى سيرەك تىركەلگەن، دەپ حابارلايدى Medikforum.
«بۇل رەتتە، بالىقتى ۇنەمى تاماققا پايدالانۋ سالاۋاتتى ەمدامنىڭ ءبىر بولىگى رەتىندە تانىلعان. ەگدە جاستاعى ادامدار قانىنىڭ قۇرامىنداعى بالىق مايى مەن ءولىم اراسىنداعى بايلانىستى ەشكىم دە ىزدەۋگە تىرىسقان جوق. ءبىزدىڭ زەرتتەۋىمىزدىڭ قورىتىندىسى ماي قىشقىلدارىنىڭ جۇرەك-قانتامىر جۇيەسىنىڭ ساۋلىعى ءۇشىن وتە ماڭىزدى ەكەنىن جانە بۇل پايدانىڭ قارتايعان جاسقا تاعى بىرنەشە جىل قوساتىنىن راستادى»، - دەيدى عىلىمي جۇمىستىڭ قورىتىندىلارى تۋرالى مالىمدەگەن ونىڭ اۆتورلارى.
