وڭتۇستىكتىڭ ءبي توبى تۇركيادا توپ جاردى
بۇل تۋرالى و ق و اكىمىنىڭ باسپا ءسوز قىزمەتىنەن حابارلادى.
جەڭىمپازداردى كۇنى كەشە شىمكەنت ۆوكزالىندا مەكتەپ ۇجىمى سالتاناتپەن قارسى الدى. انتاليادا وتكەن ونەر فەستيۆالىنە 6 مەملەكەتتەن 9 كوماندا قاتىسقان. سولاردىڭ ءبىرى وڭتۇستىكتەن بارعان «ەلەكترون» ءبي توبى. بەس جىگىتتەن قۇرالعان توپ سايىستا ەكى ءبيدى ناقىشىنا كەلتىرە ورىنداپتى. ولاردىڭ ءبىرىنشىسى «الاش ۇلدارى» دەپ اتالسا، ەكىنشىسى «قيال ءريتمى».
الەم تاڭدانىسىن تۋدىرعان بالالار ەستىپ، ويىنداعىسىن تىلمەن جەتكىزە الماعانمەن بيمەن بىلدىرۋگە بەيىم. جەتىستىكتەرى دە جامان ەمەس. بىلتىر رەسپۋبليكالىق «جۇلدىزاي» بايقاۋىندا دا توپ جارعان. تاعدىر تاۋقىمەتىن تارتسا دا جاسىماعان جەتكىنشەكتەردىڭ الار اسۋى ءالى الدا. توپ قۇرىلعان ءتورت جىل ىشىندە الەمدى تاڭداندىرعان تاربيەلەنۋشىلەر ءالى تالايدى تامساندىرامىز دەپ وتىر.
