02:29, 23 - مامىر 2015 | GMT +6
ءازىربايجان تاۋلى قاراباح قاقتىعىسى شەشىلمەي، ەۋرازيالىق ەكونوميكالىق وداققا كىرمەيدى
استانا. قازاقپارات - رەسمي باكۋ ەۋرازيالىق ەكونوميكالىق وداق قۇرۋ يدەياسىن قۇپتاعانىمەن، وداققا كىرۋگە اسىقپاي وتىر. ءازىربايجان بۇل قادامعا تاۋلى قاراباح تۇيتكىلى تولىعىمەن شەشىلگەندە عانا بارادى، - دەدى وسى ەلدىڭ ماسكەۋدەگى ەلشىسى.
پولاد بيۋل- بيۋل وگلى رەسەي تەلەارنالارىنىڭ بىرىنە سۇحبات بەرگەن ەدى. ديپلومات ءازىربايجاندا ميليوننان استام بوسقىن بار ەكەنىن ايتتى.
«بۇگىندە مەملەكەتىمىزدىڭ اۋماعىنىڭ 20 پايىزدان استامى باسىپ الىنعان. مۇنداي قاقتىعىستار ورىن الىپ تۇرعان كەزەڭدە اگرەسسور ەلمەن ءبىر وداققا كىرۋىمىز، جانە ونىڭ اياسىندا قانداي دا ءبىر ماسەلەلەردى تالقىلاۋىمىز مۇمكىن ەمەس»، - دەدى ەلشى.
