00:08, 23 - مامىر 2015 | GMT +5
قوستاناي وبلىسىندا قىرىلعان اقبوكەندەردى جويۋمەن اينالىسقان قۇتقارۋشىلار عارىش كەمەسىنىڭ ءبىر بولىگىن تاپتى
قوستاناي. قازاقپارات - قىرىلعان اقبوكەندەردى جويۋ بويىنشا جۇمىستار جۇرگىزىلىپ جاتقان جەردە قۇتقارۋشىلار تاڭعالدىرارلىق شار تارىزدەس زات تاپتى.
تابىلعان زات تۋرالى اقپاراتتى قوستاناي وبلىستىق پروكۋراتۋراسىنىڭ قىزمەتكەرى اسقار سىزدىقوۆ راستاپ، بريفينگ كەزىندە «ديامەترى 60 سانتيمەتر بولعان سفەرالىق زات عارىش كەمەسىنىڭ بولىگى بولىپ تابىلۋى ابدەن مۇمكىن» ەكەنىن حابارلادى.
امانكەلدى اۋدانىنىڭ اۋماعى - عارىشپەن بايلانىستى نىسانداردىڭ بولىكتەرى ءجيى تابىلاتىن، بۇل اۋماق عارىشتان تۇسىرىلەتىن اپپاراتتاردىڭ ءجيى كەزدەسەتىن ورىن.
ا. سىزدىقوۆتىڭ ايتۋىنشا، تابىلعان شار راديولوگيالىق زەرتتەۋدەن وتكىزىلدى، رادياتسيا دەڭگەيىنىڭ ءوسۋى تىركەلگەن جوق. تابىلعان زات امانكەلدى اۋدانىنىڭ اكىمدىگىنە تاپسىرىلدى.
