قازاقستان مەن رەسەي اراسىندا «ساۋدا سوعىسى» جوق - ت. ۆالوۆايا
«قازاقستان مەن رەسەي اراسىندا ەشقانداي «ساۋدا سوعىسى» جوق. دەگەنمەن، وتكەن جىلدىڭ سوڭىندا رەسەي ۆاليۋتاسى كۇرت قۇلدىراۋىنا بايلانىستى ءبىرقاتار قيىندىقتار ورىن الدى. وسى جايت ءبىرىڭعاي نارىقتىڭ بۇرمالاۋىنا تۇرتكى بولىپ، تاۋارلار لەگىنىڭ ارتۋىنا جول اشتى»، - دەدى ول.
ت. ۆالوۆايانىڭ اتاپ وتۋىنشە، وسىدان كەيىن قازاقستاندىق تاراپتىڭ رەسەي فەدەراتسياسىنان كەلەتىن تاۋارلار يمپورتىنا شەكتەۋ قويۋ قىزىعۋشىلىعى ويانعان.
«شارتتا (ە ا ە و تۋرالى شارت) ءبىرجاقتى تاراپتان ۋاقىتشا شەكتەۋ قويۋ مۇمكىنشىلىگى قاراستىرىلعان. ءبىراق، قازاقستان پرەزيدەنتىنىڭ، ۇكىمەتىنىڭ ءبىرجاقتى شەكتەۋ، وكىنىشكە وراي، تۇراقتى شاراعا اينالىپ كەتەتىندىگىن تۇسىنگەندىگىن جوعارى باعالاۋ كەرەك»، - دەدى ول.
سونىمەن قاتار ول وتكەن جىلى قازاقستان مەن رەسەيدىڭ ءوزارا تاۋارلارىنا شەكتەۋ قويۋىنا قاتىستى دا جايتتىڭ باسىن اشىپ بەردى.
«بۇل ساۋدا سوعىسى ەمەس. شىندىعىندا، ءبىر تاراپتىڭ ەكى تاراپ ونىمدەرىندەگى بۇزۋشىلىقتاردىڭ انىقتاۋى بولاتىن. بۇل دۇرىس تاجىريبە جانە ول ساۋدا- ەكونوميكالىق قارىم- قاتىناسقا ەشقانداي دا كەرى اسەر ەتپەيدى. كەرىسىنشە، بارلىق مەملەكەتكە تەحنيكالىق رەگلامەنت نورمالارىنا ساي كەلەتىن بارىنشا ساپالى ءونىم شىعارۋعا ماجبۇرلەيدى» ، - دەدى ول.
اۆتور: مارلان جيەمباي
