ن. نازاربايەۆ: ەڭ باستى سىن- قاتەر - قازاقستان ەكونوميكاسىنىڭ ءبىر ورىندا تۇرىپ قالۋىنا جول بەرمەۋ
«بۇگىنگى تاڭدا ەل ەكونوميكاسىنا ءتونىپ تۇرعان بىرنەشە سىن- قاتەرلەر بار. سولاردىڭ ەڭ باستىسى - ەكونوميكامىزدىڭ ءبىر ورىندا تۇرىپ قالۋ قاۋپى. مۇنى بولدىرماۋ ءۇشىن باتىل قادامدار جاساپ جاتىرمىز. وزدەرىڭىز بىلەسىزدەر، قازاقستان كەڭەس وداعى كەزىندە شيكىزات كوزى بولدى. ءوزى ەشتەڭە وندىرمەدى. قازىر ەكونوميكامىزدى تاۋەلسىز ەتۋگە تالپىنىپ جاتىرمىز. 800 دەن استام زاۋىتتار سالدىق. 1.5 ميلليوننان استام جۇمىس ورنىن اشتىق. ءبىز سياقتى ەندى دامي باستاعان ەلدەردىڭ بارلىعى «ورتا تابىس تۇزاعىنا» ءتۇسىپ قالادى. بۇگىنگى كۇنى، مەن ايتپاي- اق قويايىن، سىزدەر جاقسى بىلەسىزدەر، كوپتەگەن ەلدەر وسى جان باسىنا شاققانداعى 12-14 مىڭ دوللارلىق ورتاشا تابىسقا قاناعات تۇتىپ، ءارى قاراي دامىماي قالادى. بۇل «تۇزاق» ءبىز ءۇشىن وتە قاۋىپتى، سوندىقتان ءبىز وعان ءتۇسىپ قالماي، ودان ءارى دامۋىمىز قاجەت» ، - دەدى ن. نازاربايەۆ.
«ءبىز بۇل جەردە ارينە، قيىن جاعدايعا ءتۇسىپ وتىرمىز. ەكسپورت باعاسى دا، سانكتسيالار دا جانە باسقا دا ماسەلەلەر بار. ءبىراق ءبىز بۇعان قاراماي ينفراقۇرىلىمدى دامىتۋعا ارنالعان باعدارلاما جاساپ، وعان ۇلكەن كولەمدە قارجى قۇيىپ جاتىرمىز. بۇل قادامىمىز اقتالادى دەپ ەسەپتەيمىز» ، - دەدى ول مودەراتوردىڭ سۇراعىنا جاۋاپ بەرۋ بارىسىندا.
اۆتور: ءابۋ- اسقار مەكەش ۇلى
