ساۋدا ورتالىعىندا قاراقشىلار بانكوماتتى كۇزەتشىلەردىڭ كوزىنشە تونادى - كەسكىن
استانا. قازاقپارات - ماسكەۋدىڭ بولشايا چەركيزوۆسكايا كوشەسىندەگى «رادۋگا» ساۋدا ۇيىنەن التى قىلمىسكەر 9 ميلليون ءرۋبلى بار سبەربانك بانكوماتىن ۇرلاپ كەتتى دەپ جازدى lifenews.ru.
قاراقشىلار بانكوماتتى كۋاگەرلەردىڭ جانە ورتالىق كۇزەتشىلەرىنىڭ كوزىنشە الىپ كەتكەن.
ساۋدا ءۇيىن جۇمىس ۋاقىتىندا توناعان قىلمىسكەرلەر بەينەكامەراعا ءتۇسىپ قالعان. ۆيدەودان بەتپەردە كيگەن ەر كىسىلەر وتكەن-كەتكەندى يتەرىپ، بانكوماتتى ورنىنان جۇلعان كۇيدە ارباعا تيەگەنى بايقالادى. سىبايلاستارى «رادۋگانىڭ» ىشىندەگى ادامدار مەن كۇزەتشىلەردى قاداعالاپ تۇرعان.
«رۋبيكون-بەزوپاسنوست» جەكە كۇزەت كاسىپورنىنىڭ كۇزەتشىلەرى قاراقشىلارعا قارسىلىق تانىتپاعان. ولار قىلمىسكەرلەرگە قارسىلىق كورسەتۋگە قارۋلارىنىڭ بولماعانىن ايتىپ اقتالعان.
بانكوماتتى دالاعا شىعارعان قارۋلى قىلمىسكەرلەر ونى «نيسسان» كولىگىنە تيەپ، ءىزىن سۋىتقان.
Nur.kz
