استانادا ىرىسبەك دابەيدىڭ كىتاپتارىنىڭ تۇساۋكەسەر ءراسىمى ءوتتى - فوتو
تۇساۋكەسەر راسىمىنە بەلگىلى اقىندار، ادەبيەتتانۋشى عالىمدار، جۋرناليستەر، ادەبيەتقۇمار جاستار قاتىستى.
العاش بولىپ ءسوز العان جازۋشى، جۋرناليستەر تالعات كەڭەسباي، بەكەن قايرات ۇلى، ماقسات ءىزىم ۇلى سىندى اعالار اق تىلەكتەرىن ايتىپ قوس كىتاپتىڭ تۇساۋىن كەسىتى. ومار جالەل، اۋىت مۇقيبەك، ءنازيرا مۇقىشوۆا، انار عابدوللينا ىرىسبەكتىڭ كىتابى تۋرالى بايان ءسوز سويلەپ، كىتاپقا ەنگەن شىعارمالاردىڭ ماڭىزدىلىعىنا توقتالدى. ادەمى ايتتى، اسەرلى ايتتى. مۇنداي تالقى- تالداۋ سوزدەر ارينە انمەن ارلەنىپ، كۇيمەن ءورىلىلىپ وتىردى. استاناداعى ۇلتتىق ونەر ۋنيۆەرسيتەتىنىڭ تۇلەكتەرى ونەر كورسەتتى.
كەش بارىسىندا قالقامان سارين، ەربول بەيىلحان، مارجان ەرشۋ، جانار ايلاشوۆا، باۋىرجان قاراعىز ۇلى، ۇلاربەك نۇرعالىم ۇلى سىندى قالامداستارى تىلەكتەرىن ايتىپ ءوز ولەڭدەرىن وقىدى.
كىتاپتاردىڭ بىرەۋى جىر، بىرەۋى قاراءسوز جيناعى بولعاندىقتان كەش يەسى ءوز ولەڭدەرىن وقىدى. اسەرى بويعا شىمىرلاپ قانا تاراپ جۇرە بەرەر شىنايى ءبىر كەش ءوتتى وسىلاي. كەشتى اقىن ەرلان ءجۇنىس جۇرگىزدى. جينالعان جۇرت «بۇل ءبىر شىنايى شىعارماشىلىق كەش بولدى» دەسىپ تارقاستى.
بەك عالىم
