10:35, 22 - مامىر 2015 | GMT +5
تۇركى تىلدەس ەلدەردىڭ ورتاق ناۆيگاتسيالىق كارتاسى جاسالۋى مۇمكىن
استانا. قازاقپارات - ازەربايجان تۇركى تىلدەس ەلدەردىڭ ءبىرىڭعاي ناۆيگاتسيالىق كارتاسىن جاساۋدى ۇسىندى.
بۇل تۋرالى جۋرناليستەرگە وسى ەلدىڭ مادەنيەت جانە تۋريزم ءمينيسترى ابۋلفاس گارايەۆ ايتتى، دەپ حابارلايدى Trend.
ونىڭ سوزىنە قاراعاندا، اتالعان كارتا مينيسترلىكتىڭ تاپسىرۋىمەن ازەربايجاندىق SINAM كومپانياسى جاساعان GoMap.az ەلەكتروندىق كارتاسى نەگىزىندە قۇرىلۋى مۇمكىن.
«ازەربايجان، تۇركيا جانە گرۋزيانىڭ ناۆيگاتسيالىق كارتالارى دايىندالدى. جوباعا قازاقستان، قىرعىزستان جانە وزگە دە تۇركى تىلدەس ەلدەر قوسىلسا، تۇركى تىلدەس ەلدەردىڭ ءبىرىڭعاي ناۆيگاتسيالىق كارتاسى جاسالۋى مۇمكىن»، - دەدى ول.
GoMap.az كارتاسى اتالمىش مەملەكەت قابىلداعان جانە پايدالاناتىن جالعىز كارتا. وندا ازەربايجاننىڭ مادەني ەسكەرتكىشتەرى مەن تاريحي ورىندارى بەلگىلەنگەن.
