بۇگىن قازاقستاننىڭ باسىم بولىگىندە قولايسىز اۋا رايى ساقتالادى

استانا. قازاقپارات - 22- مامىردا قازاقستاننىڭ باسىم بولىگىندە فرونتالدى اۋا اعىنىنىڭ وتۋىنە بايلانىستى جاڭبىر جاۋادى، كەي جەرلەردە كۇن كۇركىرەيدى، بۇرشاق، تۇمان، ۇيىتقىپ جەل سوعادى.

تەك رەسپۋبليكانىڭ باتىسىندا عانا اۋا رايى اشىق بولادى، دەپ حابارلايدى «قازگيدرومەت».

الماتى، قوستاناي، پاۆلودار، قاراعاندى، شىعىس قازاقستان وبلىستارىندا كەي جەرلەردە بۇرشاق جاۋۋى ىقتيمال، جەل كۇشەيىپ، جىلدامدىعى 15-22 م/س - قا جەتەدى.

الماتى وبلىسىندا تۇندە كەي جەرلەردە كۇن كۇركىرەپ، نايزاعاي وينايدى. ماڭعىستاۋ وبلىسىندا كەي جەرلەردە تۇمان ءتۇسۋى ىقتيمال.

اقمولا، سولتۇستىك قازاقستان وبلىستارىندا كەي جەرلەرگە تۇمان تۇسەدى، بۇرشاق، جەلدىڭ كۇشى 15-20 م/س.

اقتوبە، ماڭعىستاۋ وبلىستارىندا كەي جەرلەرگە تۇمان تۇسەدى.

جامبىل، كۇندىز وڭتۇستىك قازاقستان،  قىزىلوردا وبلىستارىندا كەي جەرلەردە جەل كۇشەيىپ، جىلدامدىعى 15-20 م/س - قا جەتەدى.