07:16, 22 - مامىر 2015 | GMT +5
قىتايلىق كورپوراتسيا الىپ كەمە پىشىندەس عيمارات تۇرعىزدى
استانا. قازاقپارات - قىتايلىقتار «ستارترەك» تەلەحيكاياسىنداعى كەمە پىشىندەس شتاب- پاتەر تۇرعىزدى. بەينەويىندار شىعارۋمەن اينالىساتىن كورپوراتسيا بۇل عيماراتتى سالار الدىندا «ستارترەكتى» تۇسىرگەن امەريكالىق كومپانيادان رۇقسات الىپتى.
ەندى Enterprise كەمەسىنە ۇقساس عيمارات قىتايدىڭ شىعىسىنداعى چانلە (فۋچجوۋ) قالاسىنىڭ تۇرعىندارىن تاڭ قالدىرۋدا، دەپ حابارلايدى 24.kz.
كورپوراتسيا باسشىسى ليۋ دەتسزيان شتاب-پاتەردى ءدال وسى پىشىندە سالۋ ءۇشىن قۇقىقتى امەريكالىق CBS تەلەراديوجەلىسىنەن ساتىپ العان ەكەن. ونىڭ 6 جىل بويى جۇرگىزىلگەن قۇرىلىسى 2014 اياقتالدى. جوبانى ىسكە اسىرۋ ءۇشىن 160 ميلليون دوللار جۇمسالدى، دەپ جازادى newsru.com.
بۇگىندە قىتايلىق شتاب-پاتەر «ستارترەك» ستيلىندە سالۋعا ليتسەنزيا العان الەمدەگى جالعىز عيمارات بولىپ تابىلادى.
