رەسەي ەكونوميكاسىنىڭ قۇلدىراۋى كورشى ەلدەرگە كەرى اسەرىن تيگىزىپ وتىر- ب ۇ ۇ

استانا. قازاقپارات - رەسەي ەكونوميكاسىنىڭ قۇلدىراۋى كورشى ەلدەرگە كەرى اسەرىن تيگىزىپ وتىر. مۇنداي مالىمەت ب ۇ ۇ ساراپشىلارى دايىنداعان «الەمدەگى ەكونوميكالىق احۋال جانە ونىڭ كەلەشەگى» اتتى باياندامادا كەلتىرىلگەن.

 وندا رەسەي ەكونوميكاسىنىڭ بيىل 3 پايىزعا قىسقارىپ، 2016 - جىلى 0,1 پايىزعا عانا وسەتىنى كورسەتىلگەن. ال الەمدىك ەكونوميكانىڭ ءوسىمى 3,1 پايىزدى قۇرايدى دەپ جازادى بي-بي-سي.

 كەرى فاكتورلار رەتىندە مۇناي باعاسىنىڭ قۇلدىراۋى، ۋكرايناداعى شيەلەنىس جانە رەسەيگە قارسى  سانكسيالار اتالعان. رەسەيدەگى ەكونوميكالىق ءوسىمنىڭ  تەجەلۋى، ت م د ەلدەرىنە دە اسەرىن تيگىزۋدە. ب ۇ ۇ ساپارشىلارى اتالمىش ەلدەردە جالپى ىشكى ءونىم 2015 - جىلى 2,1 پايىزعا قىسقارىپ، 2016 - جىلى  0,9 پايىزعا عانا وسەتىنىن ەسەپتەپ قويعان. سونىمەن قاتار  مۇناي مەن گاز ەكسپورتىنان تۇسەتىن پايدانىڭ قىسقارۋى قازاقستان مەن ءازىربايجان ەكونوميكاسىنىڭ ءوسىمىن تەجەيدى دەگەن پىكىردە.  

«استانا» ارناسى