قاراقات پەن التىناي استان مۇلدە باس تارتقان با؟

استانا. قازاقپارات - جاز جاقىنداعان سايىن قىز- كەلىنشەك بىتكەننىڭ باس اۋىرتاتىن ماسەلەسى - ارتىق سالماقتان ارىلۋ. بىرەۋلەر سپورتپەن اينالىسىپ، فيتنەس زالداردا ۋاقىتىن وتكىزسە، ەندى بىرەۋلەر ءتاتتى- دامدىدەن باس تارتىپ، ديەتاعا وتىرادى.

 قازىرگى تاڭدا بۇكىل الەمدەگى نازىكجاندىلار انەرەكسيا جانە سەمىزدىكپەن كۇرەسەتىندەر بولىپ ەكىگە ءبولىنىپ العانداي. بۇگىن «الاش ايناسى» قازاق شوۋ- بيزنەسىندە جۇرت نازارىندا جۇرگەن جۇلدىزداردىڭ تارازىعا تارتىلعانداعى سالماعى قالىپتى بولۋى ءۇشىن قانداي ديەتالار ۇستاناتىنى تۋرالى ءسوز ەتپەك.

ءبىز ساحنا تورىندە جۇرگەن ءانشى قىز- كەلىنشەكتەردىڭ اراسىنداعى كوپبالالى انالاردى ەرەكشە ماقتان تۇتامىز. جاراتقانعا مىڭ ماداق، قازاق ونەرىندە ءانىن دە شىرقاپ، بەسىكتى دە تەربەتىپ جۇرگەن اياۋلى جاندار كۇننەن كۇنگە كوبەيىپ كەلەدى. كەمىندە 4-5 بالانى دۇنيەگە اكەلسە دە، ەل الدىندا ۇنەمى سۇلۋ، سىمباتتى بولىپ جۇرگەن ونەرلى ساحنا سۇلۋلارىن ءتىپتى جاس قىزداردان اجىراتا الماي قالاسىز. ەندەشە كوپشىلىك وقىرمانعا وزدەرىنىڭ اجارىمەن ساحناعا ءسان بەرىپ جۇرگەن ءانشى ارۋلاردىڭ سۇلۋلىق سىرى جايلى ايتايىق.

 قاراقات ءابىلدينا

 تاياۋدا الەۋمەتتىك جەلىدە بەلگىلى ءانشى قاراقات ءابىلدينا ءوزىنىڭ جەكە پاراقشاسىندا healthy-meal.kz باعدارلاماسىنىڭ پايدالى تاعامدارىن قولداناتىنىن جازدى. «بۇل باعدارلامانىڭ تاعامدارى وتە ءدامدى، پايدالى، ءارى ىڭعايلى، ءتىپتى تاعام قۋاتتىلىعى دا سانالىپ قويىلعان. مۇھۇندا ايەلدەر مەن ەر ازاماتتارعا ارنالعان بىرنەشە باعدارلامالار بار. مەن سالماق تاستاۋ باعدارلاماسىنا توقتادىم. ەندى مەن قۋانىشتىمىن» دەيدى ءانشى.

قاراقات ءابىلدينا وسىدان ءبىراز ۋاقىت بۇرىن ءوزىنىڭ يوگامەن اينالىساتىنىن ايتقان بولاتىن. نەگىزىنەن قاراقات ءابىلدينا سالاۋاتتى ءومىر سالتىن ۇستانادى، بالا- شاعاسىمەن تابيعات اياسىندا، تازا اۋادا تىنىققاندى ۇناتادى.

التىناي جورابايەۆا

ءتورت بىردەي ارۋ قىزدىڭ اناسى التىناي حانىم دا كەلبەتى مەن سىمباتىن جوعالتپاي ءۇشىن كوپ ەڭبەك ەتەتىن جانداردىڭ ءبىرى. ول فيتنەس زالىنا ءجيى بارادى، ديەتا ۇستانادى، مونشاعا تۇسەدى، باسسەيندە جۇزەدى، ماسساج قابىلدايدى. التىناي جورابايەۆ مايلى تاماقتان مۇلدە باس تارتىپ، ونىڭ ورنىنا دارۋمەندەرگە تولى جەمىس- جيدەكتى پايدالاناتىنىن ايتادى. سونداي- اق ءانشى قارا ءشايدىڭ ورنىنا تۇيە جانتاعىنىڭ تۇنباسىن ىشەدى ەكەن.

ايگۇل يمانبايەۆا

ءانشى، اكتريسا، تەلەجۇرگىزۋشى ايگۇل يمانبايەۆانىڭ ايتۋىنشا، جالپى ول تولۋعا بەيىم ەمەس جانداردىڭ ءبىرى. تەلەارنالارداعى تۇسىرىلىمدەر، تەاترداعى رەپەتيتسيالار، جەكە باسىنىڭ تىرلىكتەرىنەن اناۋ- مىناۋعا ۋاقىت تابا بەرمەيتىن ءانشىنىڭ كۇندەلىكت ءومىرىنىڭ ءوزى فيتنەس، ول تاۋلىگىنە 4-5 ساعات قانا ۇيىقتايتىنىن ايتادى. دەگەنمەن ايگۇل ساۋالاتتى ءومىر سالتىن ۇستانىپ، ءوزىن- ءوزى كۇتۋگە تىرىسادى. «تاماقتى تالعاپ جەيمىن، دەنساۋلىعىما زيان- اۋ دەگەن تاعامداردى پايدالانبايمىن، كۇندەلىكتى اس مازىرىمدە بال قوسىلعان كوك ءشاي مىندەتتى تۇردە پايدالانامىن» دەيدى ءانشى.

جانار ايجانوۆا

ءسوزى ءمىردىڭ وعىنداي شەشەن ءانشى جانار ايجانوۆا ءوزىنىڭ باسسەيينگە دە، يوگاعا دا، شىعىس بيىنە دە، فيتنەس زالدارىنا دا باراتىنىن ايتادى. ول ءتىپتى ۇيدە دە قوسىمشا جاتتىعۋلار جاسايدى ەكەن. ال ءانشى ۇستاناتىن ديەتاعا كەلسەك، ول ءسال تولىسىپ بارا جاتسا كەشكى ساعات 6 دان كەيىن تاماق ىشپەيدى. «مەن ەشقانداي دا ازدىراتىن ءدارى- دارمەكتى پايدالانبايمىن، تابيعي، دەنساۋلىققا پايدالى كوكونىستەردى، جەمىس- جيدەكتەر مەنىڭ اس مازىرىمنەن ۇزىلمەيدى» دەيدى ءانشى. ءانشىنىڭ سوزىنە قاراعاندا ونىڭ ەڭ تولعانداعى سالماعى 72-73 كەلى. ال قازىرگى كەزدە بويى 163 س م ءانشى جانار ايجانوۆانىڭ سالماعى 165 كەلى.

روزا ءالقوجا

الەۋمەتتىك جەلىدە سەزىمتال ءانشى روزا ءالقوجانىڭ ءانىن ءسۇيىپ تىڭدايتىن تىڭدارماندارى سوڭعى كەزدە ءانشىنىڭ بۇرىنعىسىنان دا سۇلۋلانا تۇسكەنىن جارىسا جازۋدا. ەستەرىڭىزدە بولسا، قازاقتىڭ ءانشى قىزى روزا ءالقوجا دۇنيەگە بەسىنشى ءسابيىن اكەلگەن بولاتىن. روزاعا قاراپ ايەل ادامنىڭ بالا تۋعان سايىن اجارلانا تۇسەتىنىنە كوزىمىز جەتتى. روزا حانىمنىڭ ايتۋىنشا، ول ەمىزۋلى بالاسى بولسا دا، ديەتا ۇستانادى، سپورتپەن دە شۇعىلدانادى. سۇلۋلىق پەن دەنساۋلىقتىڭ قۇپياسى دۇرىس تاماقتانۋدا دەيدى ءانشى. ەستۋىمىزشە سوڭعى ايلاردا ءانشى 20 كەلىدەي سالماق تاستاعان.

 

اۆتور: اينۇر نۇرسابەت

«الاش ايناسى»