16:03, 21 - مامىر 2015 | GMT +5
قازاقستان «باتىس قىتاي - باتىس ەۋروپا» ترانس قۇرلىقتىق ءدالىزىنىڭ قۇرىلىسىن كەلەسى جىلى اياقتايدى - م. اشىمبايەۆ
استانا. قازاقپارات - قازاقستان «باتىس قىتاي - باتىس ەۋروپا» ترانس قۇرلىقتىق ءدالىزىنىڭ قۇرىلىسىن كەلەسى جىلى اياقتايدى.
بۇل تۋرالى بۇگىن VIII استانا ەكونوميكالىق فورۋمىندا ق ر پارلامەنتى ءماجىلىسىنىڭ حالىقارالىق ىستەر، قورعانىس جانە قاۋىپسىزدىك جونىندەگى كوميتەتىنىڭ ءتوراعاسى ماۋلەن اشىمبايەۆ ءمالىم ەتتى.
«قازاقستان قىتاي مەن ەۋروپانى جالعايتىن ءىرى كولىكتىك دالىزدەردىڭ دامۋىنا دا ۇلكەن ءمان بەرەدى. ءبىز سوڭعى جىلدارى «باتىس قىتاي - باتىس ەۋروپا» ترانس قۇرلىقتىق ءدالىزىن سالۋعا كۇش سالىپ كەلەمىز. قازاقستان اۋماعىندا ونىڭ 2700 شاقىرىم جولى وتەدى. كەلەسى جىلى ونى اياقتاۋدى جوسپارلاپ وتىرمىز. ول قازىرگى زامانعا ساي تاسجول بولادى. ول قىتايدىڭ شىعىس وڭىرلەرىنەن ەۋروپاعا تاۋارلاردى 10 كۇننىڭ ىشىندە جەتكىزۋگە مۇمكىندىك بەرەدى. بۇل ەۋروپا مەن قىتايدى جالعايتىن ەڭ ءتيىمدى ءارى ەڭ قىسقا جول بولماق»، - دەپ اتاپ ءوتتى م. اشىمبايەۆ.
اۆتور: جاسۇلان جولدىبايەۆ
