ا. اتامبايەۆ: قىرعىزستاننىڭ ەۋرازيالىق ەكونوميكالىق وداققا كىرۋى ەل مۇددەلەرىنە سايكەس كەلەدى
«ينتەگراتسيا ەۋرازيالىق كەڭىستىكتەگى جۇمىس كۇشىنىڭ ەركىن قوزعالىسىن قامتاماسىز ەتۋدى كوزدەيدى. ءبىزدىڭ ازاماتتارىمىزعا، ەڭبەك ميگرانتتارىنا رەسەي مەن قازاقستاندا تۇرىپ، جۇمىس ىستەۋىنە جەڭىل بولادى. وسى 600 مىڭ ادامنىڭ ءاربىرىنىڭ اتا- اناسى، بالالارى بار. وسىلايشا ەلىمىزدەگى 3 ميلليونعا جۋىق ادامنىڭ نەمەسە ەل تۇرعىندارىنىڭ جارتىسىنا جۋىعىنىڭ ماسەلەسىن بىردەن شەشىپ وتىرمىز»، - دەدى ا. اتامبايەۆ.
ا. اتامبايەۆ قىرعىزستاننىڭ ە ا ە و- قا كىرۋى ەلدىڭ مۇددەلەرىنە سايكەس كەلەتىندىگىن، كوپشىلىك بۇل شەشىمدى قولداپ، ەلدىڭ دامۋىن قالامايتىندار عانا قارسى شىعىپ جاتقانىن اتاپ ءوتتى.
«ساۋالنامالارعا سايكەس، تۇرعىنداردىڭ باسىم بولىگى قىرعىزستاننىڭ ە ا ە و- قا كىرۋىن قولدايدى. ەلىمىزدىڭ ە ا ە و قۇرامىنا كىرۋى قىرعىزستاننىڭ مۇددەلەرىنە تولىق جاۋاپ بەرەتىنىنە سەنىمدىمىن. قىرعىزستان جاڭا ك س ر و قۇرامىنا كىرىپ جاتىر، ءوز مۇددەسىن جوعالتىپ، وزگە مەملەكەت الدىندا قۇلاپ جاتىر دەگەندى ەلىمىزدىڭ دامۋىن قالامايتىن ادامدار ايتادى»، - دەپ سانايدى قىرعىزستان پرەزيدەنتى.
